Tags-Raat

agar raat kaT jaa.e to ḳhush-nasībī kaho
fazāoñ meñ andesha-e-bād-o-bārāñ bhī hai

piirī meñ ḳhvāb dekh rahā huuñ shabāb ke
jaise abhī hai raat numūd-e-sahar nahīñ

ho ke be-nūr raat kahlā.ī
chāñd ko DhūñDhtī sahar tanhā

rāt-din josh-e-junūñ se kaam honā chāhiye
ishq kī duniyā meñ apnā naam honā chāhiye

koī mausam ho magar shān-e-ḳham-o-pech vahī
raat kī tarah koī zulf sañvāre nikle

tahajjud meñ vo rañg-o-bū raat bhar
ḳhudā se rahī guftugū raat bhar

jo ḳhvāboñ meñ lahrā.e phūloñ ke jaam
mahakte rahe be-subū raat bhar

huā jo sar-e-shām dil paash paash
kiyā tār-e-ġham se rafū raat bhar

vo tanhā.ī kā ḳhūb-sūrat hujūm
vo mela sar-e-āb-jū raat bhar

chamakte rahe āñsuoñ ke charāġh
kiyā yaad unheñ bā-vazū raat bhar

ye kamre se kaisī mahak aa.ī thī
vahāñ to na the maiñ na tū raat bhar

tumheñ 'nūr' ḳhushbū ne DhūñDā bahut
kahāñ tum rahe ai gurū raat bhar

is tarah shaam ke saa.e phaile
raat kā pichhlā pahar yaad aayā

raat din sohbat hai jin ko be-takalluf aap se
pūchhnā kyā vo to behtar haiñ bhalā ai jaan ham

achchhā huā sahar ne ulaT dī naqāb-e-fikr
bhaTkā diyā thā raat mujhe vaah vaah ne

phail gayā hai rātoñ-rāt
un āñkhoñ kā kājal likh

tāroñ kī utartī hai Dolī aur chāñdnī dulhan hotī hai
jis raat meñ do dil milte haiñ vo raat suhāgan hotī hai

bas un ke liye hī raat aur din dil merā dhaḌaktā hai lekin
jab sāmne vo aa jaate haiñ tez aur bhī dhaḌkan hotī hai

vafā kī sham.a jalāo ki ham ġhazal kah leñ
udaas raat hai aao ki ham ġhazal kah leñ

dekhte haiñ raqs meñ din raat paimāne ko ham
sāqiyā raas aa ga.e haiñ tere mai-ḳhāne ko ham