Tags-Raat

jagmagāte hue mahloñ kī taraf to dekho
un kī duniyā meñ din aatā hai ki raat aatī hai

rāt-din hai merī turbat par hasīnoñ kā hujūm
dekhne kī chiiz hai gor-e-ġharībāñ āj-kal

din ko roza iid shab ko hai ajab shaġhl-e-'riyāz'
rāt-bhar piitā hai ye mard-e-musalmāñ āj-kal

kal raat yuuñ huā ki pahar-do-pahar ga.e
koī kuchh aise chīḳh paḌā log Dar ga.e

sapnoñ kī khoj hī meñ kaTegī ye raat bhī
aisī havā chalī hai ki bādal bikhar ga.e

raat aadhī hai baat puurī hai
terā milnā bahut zarūrī hai

kar ke is ke va.ada-e-fardā pe 'barqī' e'tibār
maiñ ka.ī din tak musalsal rāt-bhar soyā nahīñ

chāñd kyuuñ abr kī us mailī sī gaThrī meñ chhupā thā
ḳhuun se luthḌī huī raat ke rahgīroñ ne do zaanū pa gir kar,

ahl-e-havas raat galī meñ tirī
jaane se ai shoḳh hazar kar gayā

raat darīche tak aa kar ruk jaatī hai
band āñkhoñ meñ us kā chehra rahtā hai

mausam-e-bārān-e-furqat meñ rulāne ke liye
mor din ko bol uThtā hai papīhā raat ko

ik raat vo gayā thā jahāñ baat rok ke
ab tak rukā huā huuñ vahīñ raat rok ke

ab aao din kī kahānī likheñ koī 'bāqar'
ki raat ḳhatm huī raat kā fasāna gayā

phir is ke ba.ad mirī raat be-misāl huī
udhar vo sho.ala-badan thā idhar meñ paanī thā

achchhe kabhī bure haiñ hālāt aadmī ke
pīchhe lage hue haiñ din raat aadmī ke

maiñ jab bhī ghar se nikaltā huuñ raat ko tanhā
charāġh le ke koī saath saath chaltā hai

fareb-e-qurb to dekho ki mere pahlū meñ
tamām raat koī karvaTeñ badaltā hai

vo pichhlī raat kī ḳhushbū rachī rachī sī fazā
sahar qarīb thī vaqf-e-duā to honā thā

har vaqt suhānā kyā kahnā har raat suhānī kyā kahnā
barsāt ke bhīge lamhoñ meñ shādāb javānī kyā kahnā

yahāñ to raat kī bedāriyāñ musallam haiñ
magar vahāñ bhī hasīñ añkhḌiyoñ meñ ḳhvāb nahīñ