Tags-Raat

rah gayā jal ke tirī bazm meñ parvāna jo raat
khīñch ga.ī shakl mirī soḳhta-sāmānī kī

shahr par raat kā shabāb utre
mujh pe tanhā.ī kā azaab utre

dil yahī chāhtā thā 'shanāvar' sitāroñ kā muñh noch luuñ!
shahr ko maiñ ne dekhā thā ik raat masjid ke mīnār se

chāragar duur na jaanā kahīñ jī Dartā hai
aaj kī raat hai gahrī shab-e-āḳhir kī tarah

tum to kahte the ki sab qaidī rihā.ī pā ga.e
phir pas-e-dīvār-e-zindāñ rāt-bhar rotā hai kaun

tirā visāl zamistāñ kī raat ho jaise
vo sard-mehrī ke pahlū tire tapāk meñ haiñ

kisī ne raat kahā us kī dekh kar sūrat
ki maiñ ġhulām huuñ is shakl kā bahar-sūrat

bas ek raat se kaise thakan utartī hai
badan ko chāhiye ārām kuchh ziyāda hī

kyā zamāna thā ki ham roz milā karte the
rāt-bhar chāñd ke hamrāh phirā karte the

agar raushan ho dil siine ke andar
añdherī raat bhī phir chāñdnī hai

vo kaun hai jo tujhe raat din nahīñ likhtā
vo kaun hai jo tujhe roz-o-shab nahīñ paḌhtā

shah-e-ḳhūbāñ mire ghar raat ko aayā hai ai mutrib
mirā dil shaad hai gā raag ai mutrib shahāne kā

cigareteñ chaa.e dhuāñ raat ga.e tak bahseñ
aur koī phuul sā āñchal kahīñ nam hotā hai

taḌap ke raat basar kī jo ik muhim sar kī
chhurī thī mere liye jo shikan thī bistar kī

aisā nahīñ ki chāñd na utrā ho baam par
maiñ hī tamām raat hayā meñ lagā rahā

aadhī raat ġhazal kahne kā shauq kise hai 'saurabh'-jī
bas itnī sī baat hai tab ham tanhā.ī meñ rahte haiñ

dhuup niklī kabhī bādal se Dhakī rahtī hai
raat din apnī hī ā.ankhoñ meñ jagī rahtī hai

vo raat aa.e ki sar terā le ke baazū par
tujhe sulā.ūñ bayāñ kar ke maiñ fasāna-e-ishq

merī palkeñ bhī bahut bojhal haiñ gahrī niind se
raat kaafī ho chukī hai aap bhī so jā.iye

tā-sahar kī hai fuġhāñ jaan ke ġhāfil mujh ko
raat bhar aaj pukārā hai mirā dil mujh ko