Tags-Rahbar

rahbar kī nahīñ mujhe zarūrat
har raah kā moḌ jāntā huuñ

vo qaum kaise taraqqī karegī duniyā meñ
nahīñ hai jis kā kahīñ koī ek rahbar aaj

hushiyār bahut rahnā hai aaj ke raahī ko
jitnā nahīñ rahzan se Dar utnā hai rahbar se

ḳhulūs-e-niyat-e-rahbar pe munhasir hai 'azīm'
maqām-e-ishq bahut duur bhī hai paas bhī hai

āshiqī rahbar se sīkho sar karo manzil ba-ḳhair
us kā hai ye rāsta achchhī tarah dekhā huā

ziyā-e-nūr-e-yaqīñ hai rahbar hayāt kī tiira vādiyoñ meñ
bujhā ke dekheñ bujhāne vaale charāġh-e-tāq-e-haram hī achchhā

pā-e-istiqlāl meñ laġhzish na aa jaa.e kahīñ
azm-e-rāsiḳh hī ko apnā rahbar-e-kāmil samajh

ḳhudā ke naam pe kyā kyā fareb dete haiñ
zamāna-sāz ye rahbar bhī maiñ bhī duniyā bhī

na rahbar hai na jaada hai na manzil
nigāhoñ meñ ġhubār-e-kārvāñ hai

maiñ jis ko manzil-e-maqsūd kā rahbar samajhtā thā
usī be-dard ne mujh ko nigahbāñ ban ke lauTā hai

faisla dil kā mohabbat meñ hai rahbar apnā
fikr kiyā manzil-e-jānāñ agar anjānī hai

tishnagī baañT ke har qaum kā rahbar ye kahe
saarī duniyā meñ to bahtā hai hamārā paanī

'shād' ik rahbar-e-makkār se rahzan achchhā
koī nuqsān uThānā hai to jāhil se uThā

qātil rahbar qātil rahzan
dil sā dost na dil sā dushman

suntā huuñ ki har moḌ pe rahbar haiñ magar vo
mujh ko merī manzil kā pata kyuuñ nahīñ dete

sunā hai luuT liyā hai kisī ko rahbar ne
ye vāqi.a to mirī dāstāñ se miltā hai

luuTā jo us ne mujh ko to ābād bhī kiyā
ik shaḳhs rahzanī meñ bhī rahbar lagā mujhe

nahīñ tirī raah rāh-e-mushkil hai rahbar-e-rāh ḳhud tirā dil
tire qadam meñ hai terī manzil tavīl be-shak safar hai pyāre

guzrī jo shab to bujh ga.e apne charāġh bhī
aa.ī sahar to phir koī rahbar na ho sakā

dekhā hai ye aksar shaam o sahar rah-rau to hai rah-rau ḳhud rahbar
har gaam pe khāte haiñ Thokar ma.alūm nahīñ kyā honā hai