Tags-Rahbar

manzil hai kaThin kam zād-e-safar ma.alūm nahīñ kyā honā hai
aur lañgDā apāhij hai rahbar ma.alūm nahīñ kyā honā hai

rahbar nahīñ chāhtī rah-e-ishq
vaañ shauq hī apnā rāhbar hai

ham shukr kareñ kis kā shākī hoñ to kis ke huuñ
rahzan ne bhī luuTā hai rahbar ne bhī luuTā hai

pāmāl rāstoñ se baġhāvat nahīñ gunāh
qadreñ na.ī haiñ to na.e rahbar bhī ā.eñge

kārvānoñ ke rahbar ne rāhzan phir bhī manzil pe kuchh rāh-rau aa ga.e
vo na.e kārvānoñ ke rahbar bane jin se hai azmat-e-rahbarāñ aaj tak

kyā ġhazab hai zindagī kī dauḌ meñ
rāhzan aage baḌhā rahbar girā

fikr-o-fan tahzīb-o-hikmat dī shu.ūr-o-āgahī
gum-shudān-e-rāh ko goyā ki rahbar kar dayā

koī rahbar hai na rasta hai na manzil 'tausīf'
ham ki gard-e-rah-e-sar-sar haiñ hamārā kyā hai

pair ke chhāle pūchh rahe haiñ rahbar se
ik raste se kitne raste nikleñge

ḳhizr hai bahrī musāfir kā manār-e-raushnī
hai jahāzoñ ke liye rahbar dhuāñ battī charāġh

na sīkhe baap kī uñglī pakaḌ kar tifl gar chalnā
use manzil to mil jaa.e magar rahbar nahīñ miltā

vatan ko kuchh nahīñ ḳhatra nizām-e-zar hai ḳhatre meñ
haqīqat meñ jo rahzan hai vahī rahbar hai ḳhatre meñ

to phir luuTā hai kis ne qāfile ko
udhar to sirf ik rahbar gayā thā

ab tumhāre mo'tarif haiñ rahbar-o-rahzan sabhī
tum jise apnā kahoge mo'atabar ho jā.egā

bad-nasībī qāfile kī dekhiye
jo banā rahbar vo rahzan ho gayā

jo un meñ phañs gayā phir raah par vo aa nahīñ saktā
baḌe chakkar kī bāteñ rahbar-e-manzil kī bāteñ haiñ

kuchh kamī hai to kārvāñ meñ yahī
rahbar-e-kārvāñ ziyāda hai

hazāroñ manzileñ tai ho ga.iiñ is ke tufail 'āfat'
mirī rahbar mirī dīvāngī ma.alūm hotī hai

maiñ jo kahtā thā so ai rahbar-e-kotāh-ḳhirām
terī manzil bhī mirī gard-e-safar hai ki nahīñ

hamārī intihā-e-nā-tavānī hadd-e-manzil hai
salāmat larzish-e-pā kaun le ehsān rahbar ke