Tags-Rang

rāh-e-vafā dushvār bahut thī tum kyuuñ mere saath aa.e
phuul sā chehra kumhlāyā aur rañg-e-hinā pāmāl huā

be-zabāñ lakīreñ haiñ nā-murād ḳhāke haiñ
dekhnā hai ab in meñ kaun rañg bhartā hai

koī bhī rut ho us kī chhab
fazā kā rañg-rūp thī

kyuuñ chup haiñ vo be-bāt samajh meñ nahīñ aatā
ye rañg-e-mulāqāt samajh meñ nahīñ aatā

aaj hameñ aur hī nazar aatā hai kuchh sohbat kā rañg
bazm hai maḳhmūr aur saaqī nashe meñ chuur hai

duur us paar shafaq rañg guphāoñ se pare
zer-e-mehrāb-e-falak qāfila-e-umr-e-ravāñ

kisī bhī rañg meñ khiñchtī na thī mirī tasvīr
maiñ ban gayā koī kāġhaz agar siyāh huā

dīvānoñ kā andāz uḌāte haiñ anādil
dīvāne meñ ye rañg-e-fuġhāñ ho nahīñ saktā

kyā pārā-e-dil koī zabāñ ho nahīñ saktā
kyā uḌ ke lahū rañg-e-fuġhāñ ho nahīñ saktā

armānoñ ke ḳhuun se maiñ ne
maañg meñ terī rañg bharā hai

manzar-e-ġham thā shafaq rañg kahāñ aks utrā
ḳhuun kā rañg likhā shaam ke pyāre likkhe

rañg-o-sifāt-e-yār meñ dil Dhal nahīñ rahā
sho.aloñ kī zad meñ phuul hai aur jal nahīñ rahā

thā qurb kī ḳhvāhish meñ bhī kuchh husn ajab sā
jo gird mire rañg thā naġhma thā vo tum the

rañg aur nasl zaat aur maz.hab jo bhī hai aadmī se kamtar hai
is haqīqat ko tum bhī merī tarah maan jaao to koī baat bane

nannhī-munnī koñpaloñ ko rañg-o-nik.hat chāhiye
kuchh havā kā ḳhauf kuchh mausam kī dildārī karūñ

sabāt-e-ahd zamāne meñ kisī ne paayā hai
zamāna rañg badalne ko rañg laayā hai

us kī siyāh rañg se nisbat ajiib thī
vo ḳhush-libās hijr pahan kar kahāñ gayā

'musavvir' aa ke na Thahrā koī bhī ḳhvāboñ meñ
udaas rātoñ kī āñkhoñ meñ rañg bhar jaate

ik sub.h thī jo shaam meñ tabdīl ho ga.ī
ik rañg hai jo rañg-e-hinā ho nahīñ rahā

toḌnā hogā chhalakte hue sāġhar kā ġhurūr
bin piye bazm ko ab rañg pe aanā hogā