Tags-Rekhta

reḳhta kā ik nayā majzūb hai 'shahpar' rasūl
shohrat us ke naam par ik nañg hai bohtān hai

'qā.em' jo kaheñ haiñ fārsī yaar
is se to ye reḳhta hai behtar

kise sunā.eñ ye ham reḳhta zabāñ ai 'shād'
janāb-e-'mīr' na 'mirzā' na 'mus.hafī' afsos

muue ne muñh kī khaa.ī phir bhī ye zor zorī
ye reḳhtī hai bhaa.ī tum reḳhta to jaano

āñkheñ na churā 'mus.hafī'-e-reḳhta-go se
ik umr se terā hai sanā-ḳhvān idhar dekh

'mus.hafī' garche ye sab kahte haiñ ham se behtar
apnī par reḳhta-goī kī zabāñ aur hī hai

reḳhta ke qasr kī buniyād uThā.ī ai 'nasīr'
kaam hai mulk-e-suḳhan meñ sāhib-e-maqdūr kā

mū-e-juz 'mīr' jo the fan ke ustād
yahī ik reḳhta-go ab rahā hai

shāhid-e-bazm-e-suḳhan nāzūra-e-ma.anī-tarāz
ai ḳhudā-e-reḳhta paiġhambar-e-soz-o-gudāz

'mus.hafī' garche ye sab kahte haiñ ham se behtar
apnī par reḳhta-goī kī zabāñ aur hī hai

jaatā hai ḳhāk-e-pāk-e-deccan ko ye reḳhta
vaañ qadr-dān is guhar-e-be-bahā ke haiñ

jab se ma.anī-bañdī kā charchā huā ai 'mus.hafī'
ḳhalte meñ jaatā rahā husn-e-zabān-e-reḳhta

ai 'mus.hafī' ustād-e-fan-e-reḳhta-goī
tujh sā koī aalam ko maiñ chhānā nahīñ miltā

reḳhta rashk-e-fārsī us se na ho sakā bayāñ
mahfil-e-urs-e-'mīr' meñ sher mire sunā ki yuuñ

reḳhta se ishq 'āzim'? vo bhī aise daur meñ
dekhnā kyā haal hotā hai tirī tahrīr kā

reḳhta jis kā baḌā naam hai kyā arz karūñ
ye hamāre liye in.aam hai kyā arz karūñ

ik baat kaheñge 'inshā'-jī tumheñ reḳhta kahte umr huī
tum ek jahāñ kā ilm paḌhe koī 'mīr' sā sher kahā tum ne

kaheñ haiñ reḳhta punjab meñ nazar-sāhib
ba-qadr-e-zauq tum un kī suno huā so huā

jab se ma.anī-bañdī kā charchā huā ai 'mus.hafī'
ḳhalte meñ jaatā rahā husn-e-zabān-e-reḳhta

fahm meñ itnā nahīñ aatā ba-hukme-e-rā-e-past
is bulandī se ghaTī jaatī hai shān-e-reḳhta