Tags-Revenge

kis sanam ko chhuḌā diyā vaa.iz
le ḳhudā tujh se intiqām mirā

le chukī intiqām-e-ḳhāmoshī
ab to kuchh ham se guftugū kiije

aa gayā hai ai falak zarroñ ko ehsās-e-ḳhudī
maiñ samajhtā huuñ ki vaqt-e-intiqām aa hī gayā

maiñ zaḳhm khā ke girā thā ki thaam us ne liyā
muaaf kar ke mujhe intiqām us ne liyā

kisī kā zor zabardast par nahīñ chalnā
falak ne zulm kiyā kis ne intiqām liyā

ḳharāb rahte the masjid ke aage mai-ḳhāne
nigāh-e-mast ne saaqī kī intiqām liyā

us kī rātoñ kā intiqām na pūchh
jis ne hañs hañs ke din guzāre haiñ

aur jab vo le sakā mujh se na koī intiqām
Daal dī ik ḳhaak kī muTThī mirī tasvīr par

ye intiqām hai dasht-e-balā se bādal kā
samundaroñ pe baraste hue guzar jaanā

intiqām is kā kahīñ le na falak Dartā huuñ
jhūTe va.adoñ se jo vo shaad kiyā karte haiñ

kabhī vafā.ī na hilne diyā lab-e-fariyād
butoñ se hashr meñ bhī intiqām ho na sakā

maiñ chāhtī huuñ us se ajab intiqām luuñ
'bushrā' ab apne saare vo jazbāt le chalūñ

ufuq zamīr kī tārīkiyoñ se ālūda
dil-o-nazar meñ vahī intiqām ke sho.ale

sitam kī teġh pe ye dast-e-be-niyām rakhā
gul-e-shikast sar-e-shāḳh-e-intiqām rakhā

ḳhud apne aap se lenā thā intiqām mujhe
maiñ apne haath ke patthar se sañgsār huā

vo intiqām kī ātish thī mere siine meñ
milā na koī to ḳhud ko pachhāḌ aayā huuñ

abhī to dāmān-e-ġhuncha-o-gul se lūñgā maiñ intiqām 'arshad'
abhī junūñ mo'atabar nahīñ hai abhī bahāroñ kā kyā karūñgā

badal chuke the qavānīn-e-jañg so maiñ ne
diyā bujhā ke añdhere se intiqām liyā

ruuh ke ġham-kade pe qahr-e-sukūt
asar-e-intiqām dard kā hai

maqām-e-hosh-o-ḳhirad intiqām-e-vahshat hai
junūñ kī rāh-guzāroñ se khel saktā huuñ