Tags-Revenge

ham ne to ḳhud se intiqām liyā
tum ne kyā soch kar mohabbat kī

jī chāhtā hai aag lagā duuñ naqāb meñ
jalvoñ se intiqām-e-nazar chāhtā huuñ maiñ

bikhar rahī hai tap-e-intiqām se mirī ḳhaak
guzar rahī hai koī mauj-e-ātishīñ mujh se

mazā jo vasl kā chāhe to bār-e-hijr uThā
phir intiqām ho āḳhir ke ta.iiñ kanār-o-bos

har ik nazā.a kā hal intiqām hī hai abhī
magar savāl to ye hai ki intiqām ke ba.ad

ajab junūn hai ye intiqām kā jazba
shikast khā ke vo paanī meñ zahr Daal aayā

havās-o-hosh ko kahiye mirā salām abhī
junūñ ko aql se lenā hai intiqām abhī

ik adhūrī sī shaam baaqī hai
lamhoñ se intiqām baaqī hai

yahāñ to dil ko mire jalāyā vahāñ jalā.eñge jism merā
ye hashr par kyuuñ uThā rakhā hai huzūr ne intiqām aadhā

tire azaab meñ mar kar tire darīche se
maiñ jā rahā huuñ mohabbat kā intiqām liye

sar-e-varaq pe likhā intiqām hai shāyad
isī bayāz meñ merā bhī naam hai shāyad

vaqt se intiqām lene ko
yūñhī tā-shām saade kāġhaz par

agarche tum pe huā hai yahāñ pe zulm bahut
kisī se us kā magar intiqām mat lenā

bañdheñ vo haath hinā se kiyā hai jin se shahīd
kuchh aur yaar se manzūr intiqām nahīñ

yaañ vasl hai talāfi-e-hijrāñ meñ ai falak
kyuuñ sochtā hai taaza sitam intiqām ko

tarkash meñ koī tiir jo baaqī nahīñ to kyā
kah do ki haath khīñch liyā intiqām se

havādis-e-roz-gār merī ḳhushī se kyā intiqām leñge
ki zindagī vo hasīn zid hai ki be-sabab muskurā rahī hai

chashm-e-lutf-āgīñ na.e andāz se
le rahī hai intiqām-e-ārzū

kuchh is tarah vo duā-o-salām kar ke gayā
mirī taraf hī ruḳh-e-intiqām kar ke gayā

'rashīd' saarī umr isī ḳhayāl meñ guzar ga.ī
ki zālimoñ se leñge intiqām sochte rahe