Tags-Rukhsar

ashkoñ ko shafaq-rañg kiyā ḳhūn-e-jigar se
kyā ġhāza-e-ruḳhsār-e-sahar ham ne banāyā

ḳhauf kar ḳhat kī siyāhī satī ai va.ada-ḳhilāf
har ghaḌī mus.haf-e-ruḳhsār kī saugand na khā

ham ne phūloñ ko jo dekhā lab-o-ruḳhsār ke ba.ad
phuul dekhe na ga.e husn-e-ruḳh-e-yār ke ba.ad

itnā na kījiye gul-e-ruḳhsār par ġhurūr
do din kī ye bahār hai aaj aa.ī kal ga.ī

abhī ik ḳhvāb maiñ ne jāgte meñ aise hai dekhā
mirā aañsū tire ruḳhsār par rakkhā huā hai

jis ke ruḳhsāroñ par tū ne apne añgāroñ jaise ruḳhsār dhare haiñ
maiñ ne aaise har mauqa.a par ye sochā hai

kab tasavvur yār-e-gul-ruḳhsār kā fe.al-e-abas
ishq hai is gulshan-o-gulzār kā fe.al-e-abas

dikhāyā mus.haf-e-ruḳhsār apnāñ
hamārā diin aur īmān pahuñchā

tū hī batā ruḳhsār pe us ke kitne til haiñ kitne daaġh
tū ne to ai dīda-e-bīnā phuul ko patthar dekhā hai

kabhī jo jalva-e-ruḳhsār-e-yār hotā hai
charāġh-e-tūr charāġh-e-mazār hotā hai

jazbāt kī āñkhoñ meñ chamaktā koī sho.ala
ehsās ke ruḳhsār pe kuchh ġhāza bhī hotā

merī āñkhoñ ke havāle se mire ruḳhsār par
likh gayā kājal se apne dard kī tahrīr kaun

hikāyat-e-lab-o-ruḳhsār meñ guzār deñ vaqt
jahāñ meñ sirf ghaḌī do ghaḌī baserā hai

sūraj to banā rahā thā ruḳhsār
mahtāb jabīñ banā rahā thā

kuchh be-adabī aur shab-e-vasl nahīñ kī
haañ yaar ke ruḳhsār pe ruḳhsār to rakkhā

ahvāl nipaT tañg hai bīmār kā tere
is vaqt tū ai ā.īna-ruḳhsār kidhar hai

zulfoñ ko ghaTā.eñ kahtā huuñ ruḳhsār ko sho.ala kahtā huuñ
tum jitne achchhe lagte ho maiñ us se achchhā kahtā huuñ

bande kyā chāhtā hai dām-o-dīnār
yā daulat yā panda-e-zulf-o-ruḳhsār

huzūr āriz-o-ruḳhsār kyā tamām badan
mirī suno to mujassam gulāb ho jaa.e

us ke ruḳhsār par kahāñ hai zulf
shola-e-husn kā dhuāñ hai zulf