Tags-Sach

paḌosiyoñ ke tamām mafrūze sach hue haiñ
maiñ be-samar sochūñ kī zehānat ko dhun rahā huuñ

ye sach hai bachpanā kīchaḌ meñ biitā
batāo kab magar maile hue haiñ

tū ne bhī maan liyā logoñ kā phailāyā sach
tū ne bhī jaate hue lauT ke dekhā na mujhe

baat sach ye hai ki ham the jis zamāne meñ javāñ
ḳhāndānī qasam kī mansūba-bandī thī kahāñ

jo sach pūchho to haiñ āshiq bhī pairav nāznīnoñ ke
badan meñ nā-tavānī se nazākat aa hī jaatī hai

jo sach kahte haiñ vo hī jāvedāñ rahte haiñ aalam meñ
chhupāyā jā nahīñ saktā haqīqat ko fasānoñ meñ

sach ke sahrā meñ unheñ DhūñD ke thak-hār ga.e
jhuuT ke shahr meñ yāroñ kā baserā niklā

tum sach kī zīnat the mujhe dekhte kaise
maiñ bhī thā na.ī sub.h ke aḳhbār ke andar

sach to ye hai ki tire hijr kā ab rañj nahīñ
kyā dikhāve ke liye ashk-fishānī karte

ye bhī sach hai na kuchh baat jī kī banī suunī rātoñ meñ dekhā kiye chāñdnī
par ye saudā hai ham ko purānā sajan aur jiine kā apne bahānā sajan

kahāniyoñ ne mirī ādateñ bigāḌī thiiñ
maiñ sirf sach ko zafar-yāb dekh saktā thā

koī divāna hai letā hai sach kā naam ab tak
fareb-o-makr ko kartā nahīñ salām ab tak

hādse jaan to lete haiñ magar sach ye hai
hādse hī hameñ jiinā bhī sikhā dete haiñ

kisī kā qaul hai sach sañg ko kare hai mom
rakkhā hai ḳhaas ḳhudā ne ye sīm-o-zar meñ asar

ḳhūb-sūrat na ho koī to na ho badnāmī
sach to ye hai ki burā hotā hai achchhā honā

ye to sach hai ki shab-e-ġham ko sañvārā tum ne
chashm-e-tar ne bhī mirā saath nibhāyā hai bahut

phir jins-e-dil na apnī kisī ne ḳharīd kī
sach hai ki qadr kuchh nahīñ māl-e-mazīd kī

ye sach hai quvvat-e-tasḳhīr hotī hai mohabbat meñ
zafar-yābī magar harf-e-jalī lagtī nahīñ mujh ko

ham par bhī kabhī apnī halākat kī nazar Daal
sach jaan ki jaan apnī bachāne ke nahīñ ham

is ke jo jo ki favā.ed haiñ ḳhud dekhte jaao
sach kahā hai ye kisī ne ki piyo aur pilāo