Tags-Sach

mujhe tujh se shikāyat bhī hai lekin ye bhī sach hai
tujhe ai zindagī maiñ vālihāna chāhtā huuñ

sochnā hai tirā vo na tum ko milā sach to ye hai magar tū na us ko milā
us kī qismat meñ shāyad thī tishna-labī ho gayā jo ḳhafā tū use bhuul jā

ye bhī sach hai ki mujhe dil se bhulāyā hogā
ye bhī sach hai ki kabhī chain na paayā hogā

haañ aap kisī ko yuuñ barbād nahīñ karte
ye 'fānī'-e-nākārā sach hai isī qābil thā

dostoñ ke darmiyāñ sach bolte Dartā hai vo
dushmanoñ kī bhiiḌ meñ jis kī zabāñ be-bāk thī

titliyāñ phir vahīñ pe utreñgī
khilne dījiye gulāb sach-much ke

kuchh nazar aa rahe haiñ mahfil meñ
dekh lo māhtāb sach-much ke

apnī ta.abīr pā rahe haiñ jo
maiñ ne dekhe haiñ ḳhvāb sach-much ke

kuchh to parsañg yaad aate haiñ
the kathā meñ jo baab sach-much ke

aap sab ko ḳharāb kahte haiñ
log kuchh haiñ ḳharāb sach-much ke

paas jin ke nahīñ hai ik misra.a
vo haiñ shā.er janāb sach-much ke

aap izzat-ma.āb sach-much ke
log kam haiñ janāb sach-much ke

haqīqatoñ ke badan par koī labāda nahīñ
agar ye sach kī sazā hai to phir sazā hī sahī

merī ā.ankhoñ meñ kisī ne nahīñ dekhe aañsū
phir bhī ye sach hai ki giryāñ huuñ hamesha kī tarah

vo aa gayā 'kamāl' kī qīmat ke ās-pās
bik jā.ūñ apne sach kī hifāzat nahīñ karūñ

be-vafā nā-mehrbāñ ye sach hai vo aisā to thā
mat kaho kuchh us ko yaaro jo bhī thā merā to thā

jhuuT ko sach samajhne vāloñ par
aa.ina qahqahe lagā.egā

maslahat-kosh zamāne meñ bhī sach bol sake
ham ne is shahr meñ vo aa.ina ījād kiyā

sach hai ki aadmī ko ġharaz aadmī se hai
vaa.iz bayān-e-dilkash-e-hūr-e-jināñ ġhalat

nazar jo aa.e vo sach nahīñ hai nazar ko kyuuñ kar nazar bhī aa.e
ki gard chehre se mat haTāo lo toḌ Daalo ye aa.ina phir