Tags-Sach

vo ek lamha jo sach bolne se Dartā hai
jo zulm sahtā hai jabr iḳhtiyār kartā hai

sirf sach aur jhuuT kī mīzān meñ rakkhe rahe
ham bahādur the magar maidān meñ rakkhe rahe

sach pūchhiye to jān-e-jahāñ mere qatl meñ
tirchhī nazar ke saath hī chīn-e-jabīñ sharīk

sach to ye hai ki nadāmat hī huī
raaz kī baat kisī se kah ke

jab sivā mere tumhārā koī dīvāna na thā
sach kaho kuchh tum ko bhī vo kār-ḳhānā yaad hai

varaq nuche hue sab lafz o ma.anī gum-sum the
ye baat sach hai vo chehra kitāb jaisā thā

suukh kar har ustuḳhvāñ juuñ ne hai us ke ishq meñ
sach hai jo mutrib pisar kā uThtā hai siine meñ haaḌ

mujh ko to dil dene meñ kuchh uzr nahīñ ai jān-e-jahāñ
sach to ye hai dil hī ḳhud kuchh aagā pīchhā kartā hai

na.ī javānī na.e-navele nādān allaḌh aur albele
sach pūchho to tum ko sāhib dil dete jī Dartā hai

kaan sunī bātoñ ko ham ne sach jaanā
ā.ankhoñ se dekhā to sab kuchh jhuuT gayā

vo ishq ki sach ā.ankhoñ se kājal ko churā le
kis tarah na āshiq ke kare ḳhvāb kī chorī

is ek baat pe hairāñ hai vaqt kā munsif
ki is meñ kaun sā sach hai bayāñ bahut se haiñ

ye sach hai ham jise maslūb karne jā rahe haiñ
vo na rahzan hai na zaanī hai

ho jaa.e sach iflās meñ suntā huuñ rahegā
do-chār mahīne abhī māh-e-ramazāñ aur

jinheñ ye fikr nahīñ sar rahe rahe na rahe
vo sach hī kahte haiñ jab bolne pe aate haiñ

shaiḳh kī dāḌhī kī jo kahiye baḌā.ī sach hai
is sivā aur par ik pashm karāmāt nahīñ

sach batā ḳhāliq-e-jahān-e-ḳharāb
is tamāshe ko hī bane the ham

sach ke ḳheme meñ raheñ jhuuT kī bai.at kar leñ
kitne hī log ki pāband-e-rivāyat haiñ abhī

dahan-e-yār kī tārīf likhī kyā kahnā
'qadr' to jhuuT ko sach kar ke dikhā dete haiñ

sach kaho qatl pe kis ke ye kamar bāñdhī hai
in dinoñ haath meñ tum rakhte ho talvār bahut