Tags-Sach

is daur kā suqrāt huuñ sach bol rahā huuñ
kyā der hai kyuuñ chup ho mujhe zahr pilā do

ye sab lakḌī ke taḳhte ḳhaak meñ mil jaa.eñ jal-bhun kar
ġhazab ho jaa.e gar sach-much lahad meñ daaġh raushan ho

sach ke darvāze par dastak detā rahtā huuñ
aag kī lapTeñ oḌhe rahnā achchhā lagtā hai

bū nikalne lagī ġhunchoñ se to phir Dar kis kā
ye ḳhabar sach hai to sayyād ne āzād kiyā

bas yahī vaqt hai sach muñh se nikal jaane do
log utar aa.e haiñ zālim kī taraf-dārī par

ek benām-o-nasab sach mirā iz.hār huā
varna alfāz meñ vo sail-e-ma.ānī bhī nahīñ

sach to ye hai ki mire paas hī dirham kam haiñ
varna is shahr meñ is darja girānī bhī nahīñ

tum divāne ho ye sach hai ise taslīm karo
ham nahīñ kahte faqat shahr meñ sab kahte haiñ

sach sach kaho ye baat banānā nahīñ pasand
kyā kah rahe the ġhair abhī chupke se kaan meñ

magar sach hai ki vo bahkā huā hai
magar ai dil vo kyuuñ bahkā huā hai

kis tarah kahtā koī tujh ko sitamgar ai dost
sach to ye hai ki hameñ terī jafā aur lagī

'zulfī' ko khīñcho! daar pe dīvār meñ chuno
sach boltā hai yuuñ ki payambar ho jis tarah

sach kahāñ kahtā hai jaane vaalā
ḳhuub pachhtā.egā aane vaalā

aap hī aap haiñ vo aap ne sach farmāyā
yuuñ bhī kuchh dhoke se the naam ko ham yā ma.abūd

ḳhud tirā aks kahīñ tujh ko pareshāñ na kare
sach kā ā.īna tire sāmne rahne na diyā

sach to ye hai sanam-kade vaalo
dil ḳhudā ne tumheñ diyā hī nahīñ

sach to 'aḳhtar' ye hai us māhaul meñ
merā dushman hī mirā hamdard thā

zindagī sach kī himāyat nahīñ karne detī
aisī koī bhī ibādat nahīñ karne detī

yaad thā 'suqrāt' kā qissa sabhī ko 'ehtirām'
sochiye aise meñ baḌh kar sach ko sach kahtā to kaun

jab us kā kirdār tumhāre sach kī zad meñ aayā
likhne vaalā shahr kī kaalī har dīvār karegā