Tags-Sach

jhuuT par jhuuT boltī hī rahī
sach magar boltī rahī āñkheñ

khaao jo aalū ke pakauḌe
sach hai ho jāoge chauḌe

phir raushan kar zahr kā pyāla chamkā na.ī salībeñ
jhūToñ kī duniyā meñ sach ko tābānī de maulā

pūchho agar to karte haiñ inkār sab ke sab
sach ye ki haiñ hayāt se bezār sab ke sab

kyā kartā maiñ ham-asroñ ne tanhā mujh par chhoḌ diyā
sab ne bosa de kar sach kā bhārī patthar chhoḌ diyā

ḳhvāb kā jhuuT jīvan sach meñ til til marnā jin kā bhaag
ye rātoñ ke qaidī un ko sāñjh saverā kyā ma.alūm

sach achchhā par us ke jilau meñ zahr kā hai ik pyāla bhī
pāgal ho kyuuñ nāhaq ko suqrāt bano ḳhāmosh raho

sach bolā thā maiñ ne tum ne jhuuT sunā
mujh pe tum aur maiñ tum pe hairān huā

agle suḳhan-varoñ ne jise āsmāñ kahā
sach pūchhiye to aaj vahī āsmāñ hai vaqt

jab talak zar hai to sab koī hai phir koī nahīñ
sach hai makkhī bhī rahe hai shakar-o-shīr talak

duā ko haath uThāte nahīñ har ik ke liye
to ye bhī sach hai ki ham bad-duā nahīñ karte

anjām ḳhushī kā duniyā meñ sach kahte ho ġham hotā hai
sābit hai gul aur shabnam se jo hañstā hai vo rotā hai

naav kāġhaz kī chalī kaaTh ke ghoḌe dauḌe
sho.abda-bāzī ke sach pūchho to daftar haiñ vahī

jahāñ sach baat kahne kā ho matlab jaan se jaanā
usī mahfil meñ bas apnā dil-e-ḳhuddār bolegā

sach koī fan to nahīñ hai jo sikhāyā jaa.e
jhuuT se kaam le sach bolnā aa jā.egā

yahāñ sach be-sahārā hai
sahārā duuñ maiñ bātil huuñ

sach se pyaar karne kā hausla nahīñ hai aur
maslahat kī rāhoñ se dil hai bad-gumāñ yaaro

jhuuT ko detā hai vo sach kā labāda kaisā
lutf aatā hai bahut us ke is afsāne meñ

har ek sach ko to mansūb kar liyā ḳhud se
tamām jhuuT mire naam kar diyā sab ne

maiñ to is shahr se nā-vāqif huuñ
is meñ sach baat ravā to hogī