Tags-Sadgi

tirī adāoñ kī sādgī meñ kisī ko mahsūs bhī na hogā
abhī qayāmat kā ik karishma hayā ke dāman meñ pal rahā hai

use dil kā junūñ kahiye ki merī sādgī kahiye
maiñ har ik rahguzar ko aaj us kā naqsh-e-pā samjhā

achchhā mazāq hai ye mirī sādgī ke saath
fashion-zada dukān meñ rakkhā gayā mujhe

mire dil kī āb-o-havā lagī ki vafā bhī un ko ḳhatā lagī
vahī sādgī se jo aa.e the vahī bāñkpan se chale ga.e

ek kashtī-kāġhzī par ġhaur-o-ḳhauz
hogā merī sādgī par ġhaur-o-ḳhauz

terī āñkhoñ meñ ka.ī rañg jhalakte dekhe
sādgī hai ki jhijhak hai ki hayā hai kyā hai

haiñ isī ahd meñ so tasavvur hasīñ koī apnā nahīñ
thak ga.ī hai mire shauq kī sādgī niiñd aane lagī

sabhī andāz-e-husn pyāre haiñ
ham magar sādgī ke maare haiñ

kis sādgī se mujrmoñ ne sar jhukā liyā
mahjūb kyuuñ vo mālik-e-taqdīr ho na jaa.e

kyuuñ sādgī se us kī takrār ho ga.ī hai
tahzīb se tabī.at bezār ho ga.ī hai

milā fareb-o-makr se bhī kab vo hiila jo magar
libās sādgī kā dāġh-dār kar liyā gayā

mere asbāb nām-o-numū kyā
bas yahī bāñkpan sādgī ke

sādgī itnī miyāñ achchhī nahīñ
zindagī meñ roz dhokā khāoge

sādgī meñ aa ga.iiñ dil-dāriyāñ
phuul uThīñ ik phuul meñ phul-vāriyāñ

butān-e-rañg-rañg se bhare the but-kade magar
terī adā-e-sādgī mirī nazar ko bhā ga.ī

kisī kī shām-e-sādgī sahar kā rañg pā ga.ī
sabā ke paañv thak ga.e magar bahār aa ga.ī

tumhī kaho tumheñ kis kī nigāh le Duubī
mujhe to ḳhair mirī sādgī ne maar diyā

jo paḌh sako to ḳhulūs paḌh lo mirī nigāhoñ kī sādgī meñ
jahāñ meñ 'afshāñ' se log kam haiñ hoñ jin ke sachchī kitāb chehre

miTTī ke sādgī meñ alag sā jamāl hai
rañgoñ kī nik.hatoñ kī qabā taar karke dekh

sādgī hai adā meñ us kī jo
ishq meñ yaar rā.egāñ huuñ maiñ