Tags-Sadgi

shahr kī koshish ki ḳhud ko aur pechīda banā le
merī ye tashvīsh merī sādgī kam ho rahī hai

sādgī yuuñ āzmā.ī jā.egī
nit-na.ī tohmat lagā.ī jā.egī

sādgī kam-navā.ī nādānī
ham pe ilzām haiñ bahut saare

saḳht jān-levā hai sādgī mohabbat kī
zahr kī kasauTī par zindagī ko kastī hai

jin kā maqsad fareb hotā hai
vo baḌī sādgī se milte haiñ

sādgī merī use detī hai izn-e-guftār
mujh ko aatī hai hañsī jab vo banātā hai mujhe

sādgī hai tirī pariyoñ kī banāvaT se sivā
sub.h ho jā.egī itnā na nikhar aaj kī raat

sādgī kā nuur chehre se Tapaktā hai huzūr
maiñ ne dekhā jauharī bāzār chhoTā paḌ gayā

is sādgī meñ rang-e-mohabbat zarūr hai
'anjum' tirī ġhazal ke ma.ānī likheñge log

koī akelā to maiñ sādgī-pasand na thā
pasand us ne bhī rañgoñ meñ rañg saada kiyā

koī akelā to maiñ sādgī-pasand na thā
pasand us ne bhī rañgoñ meñ rañg saada kiyā

kis sādgī se us ne ye 'sīrat' kahā mujhe
taare bhī toḌ sakte ho kyā āsmān ke

un kī shoḳhī to hai bahār-e-chaman
sādgī mahv-e-ḳhvāb jaisī hai

haa.e ye sādgī o purkārī
roz ik vārdāt hotī hai

ye ban-sañvar ke mirī sādgī meñ lauT aa.e
mire ḳhayāl mirī shā.irī meñ lauT aa.e

banāvaT bhī ik fan hai jo jāntā ho
tirī sādgī kuchh hamīñ jānte haiñ

tirī adāoñ kī sādgī meñ kisī ko mahsūs bhī na hogā
abhī qayāmat kā ik karishma hayā ke dāman meñ pal rahā hai

pahan ke jis ko haiñ aġhyār surḳh-rū 'anjum'
vo sādgī se muzayyan qabā.eñ merī haiñ

bārhā is sādgī par ḳhud hañsī aa.ī mujhe
kar rahā huuñ kis zamāne meñ vafā kī baat maiñ

ḳhud us kā rañg pīchhā kar rahe haiñ
kahīñ dekhī hai aisī sādgī kyā