Tags-Safar

manzileñ haiñ zer-e-kaf-e-pā magar
ik zarā azm-e-safar chāhiye

duā-e-ḳhair se
duā-e-maġhfirat tak kā safar puurā huā

ek tārīk sitāre kā safar hai darpesh
aur ummīd kī ik taaza karan hai, maiñ huuñ

phir is se uglā safar raushnī kā thā 'tauqīr'
mujhe jahāñ vo sitāra-shanās chhoḌ ga.ī

kyā ḳhabar 'hurmat' ki takmīl-e-safar ho kis tarah
iltifāt-e-vādī-e-pur-ḳhār baḌhtā jaa.e hai

ham ḳhāk-ba-sar gard-e-safar DhūñD rahe haiñ
aur log samajhte haiñ ki ghar DhūñD rahe haiñ

kaise kahūñ ki maiñ ne kahāñ kā safar kiyā
ākāsh be-charāġh zamīñ be-libās thī

kab TuuTe dekhiye mire ḳhvāboñ kā silsila
ab to gharoñ ko lauT rahe haiñ safar se log

ga.e ik ek kar ke ham-safar sab
hamīñ zinda haiñ marne ko akele

dair-o-haram se guzre ab dil hai ghar hamārā
hai ḳhatm us aable par sair-o-safar hamārā

manzil ik rah-rav kā thak jaanā hai varna zindagī
ik musalsal rahguzar paiham safar kī baat hai

ḳhvāb meñ bhī safar nahīñ hotā
jism hai ab thakan se chuur itnā

muḌ ke dekhūñ to naqsh-e-pā kī tarah
ham-safar haiñ rivāyateñ kyā kyā

qadam uThā hai to paañv tale zamīñ hī nahīñ
safar kā ranj hameñ ḳhvāhish-e-safar se huā

ab un ke saare safar meñ sub.h-e-yaqīn koī
na shām-e-sad-e'tibār koī

abhī to āġhāz hai safar kā abhī añdhere bahut mileñge
tum apnī sham.eñ bachā ke rakkho charāġh ban kar maiñ jal rahā huuñ

kaash maiñ bhī dekh paatā
saarī rāhoñ pe safar kar

ġhair-mahdūd ḳhalāoñ meñ safar kartā huuñ
aur rasā.ī kā ye aalam hai ki bhaTkā bhī kahāñ

safar rasta sa.ūbat ḳhvāb sahrā
samundar vāhima ḳhūnāb sahrā

qayām shāmil-e-mashq-e-ḳhirām hai 'tābāñ'
safar kā tark bhī goyā safar kī manzil hai