Tags-Safar

is shahr-e-anā meñ jo fasādāt na chhiḌte
to pyaar kā ye shauq-e-safar bhī nahīñ jaatā

zaḳhm-e-safar ke dard-e-musalsal kā sehr toḌ
niklā huā vatan se ġharīb-ul-vatan bhī lā

manzileñ baḌh ke tire qadmoñ kā bosa leñgī
ye safar tai to karo giit sunātī hai havā

jis din mirī ġhazal ne chhue us ke lab 'bashīr'
us din mirī ġhazal kā safar mo'atabar huā

hai vo be-pāñv guzarne kī dalīl
irtiqā kā safar-e-be-āvāz

ye iqāmat hameñ paiġhām-e-safar detī hai
zindagī maut ke aane kī ḳhabar detī hai

safar meñ pesh koī hādisa bhī mumkin hai
zarā se der meñ āh-o-bukā bhī mumkin hai

azm-e-insāñ ne sitāroñ pe kamandeñ Dālīñ
manzileñ duur haiñ sargarm-e-safar hone tak

justujū aur hai kuchh ahl-e-junūñ kī varna
kaun kartā hai safar jā-e-amāñ se aage

manzileñ aur bhī haiñ vahm-o-gumāñ se aage
ham ko karnā hai safar qaid-e-makāñ se aage

be-nām masāfat hī muqaddar hai to kyā ġham
manzil kā ta.ayyun kabhī hotā hai safar se

mujhe tavīl safar kā milā thā hukm to phir
kuchh aur hotī kushāda fazā bhī mere liye

vahī safar hai vahī rasm-e-āblā-pā.ī
yaqīn-e-rāh mirā kāmyāb ho ke rahā

havā meñ hilte hue haath aur nam āñkheñ
hameñ bas itnā hī zād-e-safar nasīb huā

safar se aa.e to phir ik safar nasīb huā
ki umr-bhar ke liye kis ko ghar nasīb huā

the raah meñ hazār koī raah par na thā
hamrāh to bahut the koī ham-safar na thā

īmāñ ke saath ḳhāmi-e-īmāñ bhī chāhiye
azm-e-safar kiyā hai to sāmāñ bhī chāhiye

vo ziist ke us paar kī thaah lene gayā thā
par lauT ke ab tak na mirā ham-safar aayā

kisī aane vaale safar kī jab karo ibtidā to ye sochnā
maiñ akelā is meñ sharīk huuñ ki mire sivā koī aur hai

kisī ke bichhaḌne kā Dar hī nahīñ
safar meñ koī ham-safar hī nahīñ