English
Favourite
Favourite
UrduShayarUrduShayar
Expand menu
Sign inAccount

Tags-Safar

ham musāfir yūñhī masrūf-e-safar jā.eñge
be-nishāñ ho ga.e jab shahr to ghar jā.eñge
Ghazal
 hum musafir yunhi masruf-e-safar jaenge
kyā chal sakeñge jin kā faqat mas.ala ye hai
jaane se pahle raḳht-e-safar jaanā chāhiye
Ghazal
 kuchh faisla to ho ki kidhar jaana chahiye
vo be-jhahat kā safar thā savād-e-shām na sub.h
kahāñ pe rukte kahāñ yād-e-raftagāñ karte
Ghazal
 tujhe bhi jaanchte apna bhi imtihan karte
ḳhvāhishoñ ke chāñd kā lambā safar tai ho gayā
ab akele-pan ke maidāñ meñ ghire mandar likheñ
Ghazal
 soe pani ke tale Dube hue paikar likhen
saare peḌ safar meñ hoñge aur gharoñ ke sāmne
jitne peḌ haiñ utne saa.e lahrā.eñge shaam ko
Ghazal
 aankhon ke kashkol shikasta ho jaenge sham ko
lage Thokar to ḳhud hī tum sambhal jaao
safar kā tajraba batlā rahā thā
Ghazal
 kaDi thi dhup sar chakra raha tha
dekhiye to hai kārvāñ varna
har musāfir safar meñ tanhā hai
Ghazal
 apne bare mein jab bhi socha hai
ḳhushiyāñ hī nahīñ thiiñ saath mere
ġham bhī mere ham-safar rahe haiñ
Ghazal
 taswir mein rang bhar rahe hain
use pukārā to hoñToñ pe koī naam na thā
mohabbatoñ ke safar meñ ajab fazā aa.ī
Ghazal
 samundaron ke udhar se koi sada aai
abhī hameñ kisī manzil kī justujū hī nahīñ
safar barā.e-safar iḳhtiyār karte haiñ
Ghazal
 KHizan ki baat na zikr-e-bahaar karte hain
dil kā dayār-e-ḳhvāb meñ duur talak guzar rahā
paañv nahīñ the darmiyāñ aaj baḌā safar rahā
Ghazal
 dil ka dayar-e-KHwab mein dur talak guzar raha
ham apnī sāda-dilī meñ bhī be-misāl rahe
jo ham-safar bhī na thā us ko rāhbar jaanā
Ghazal
 safar mein rah ke aashob se na Dar jaana
safar meñ raah ke āshob se na Dar jaanā
paḌe jo aag kā dariyā to paar kar jaanā
Ghazal
 safar mein rah ke aashob se na Dar jaana
ik shaḳhs mere saath safar meñ rahā magar
manzil qarīb aa.ī to mujh se judā huā
Ghazal
 jo bhi yahan hua wo bahut hi bura hua
manzil kā hai imkāñ na koī ḳhatm-e-safar kā
is ābla-pā.ī ko koī naam diyā jaa.e
Ghazal
 kanTon mein hi kuchh zarf-e-samaat nazar aae
mujh se talāsh-e-rāh kī dushvāriyāñ na pūchh
bhaTkā rahā hai zauq-e-safar chār-sū mujhe
Ghazal
 taskin de sakenge na jam-o-subu mujhe
guftugū achchhī lagī zauq-e-nazar achchhā lagā
muddatoñ ke baad koī ham-safar achchhā lagā
Sher
 guftugu achchhi lagi zauq-e-nazar achchha laga
paaoñ patthar kar ke chhoḌegī agar ruk jā.iye
chalte rahiye to zamīñ bhī ham-safar ho jā.egī
Ghazal
 zindagi ki har kahani be-asar ho jaegi
ai garm-e-safar yārāñ jo hai so sar-e-rah hai
jo rah sako rah jaao ab 'mīr' bhī chalte haiñ
Ghazal
 kahte hain bahaar aai gul phul nikalte hain
rafīq tā-ba sahar hai sitāra-e-shab-e-ġham
ye bevafā sā ujālā bhī ham-safar kyuuñ ho
Ghazal
 KHamosh kis liye baiThe ho chashm-e-tar kyun ho
Top Urdushayar.com