Collections

Lab Shayari

Motivational Ghazals

Best Khamoshi Shayari

More Collections

Tags-Sahra

merī āñkhoñ meñ likkhī tahrīr paḌho
hijr tamannā vahshat sahrā sannāTā

mez qalam qirtas daricha sannaTa

lutf un kā ab huā to hai magar kuchh is tarah
jaise sahrā se guzar jaa.e koī abr-e-ravāñ

dur tak sabza kahin hai aur na koi saeban

ai 'sarosh' mat pūchho merī kyā haqīqat hai
zindagī ke sahrā meñ dard kā shajar tanhā

shahr-e-shor-o-shar tanha ghar ke baam-o-dar tanha

koī sahrā bhī agar raah meñ aa.e 'anvar'
dil ye kahtā hai ki ik baar sadā de jaao

dard baDhta hi rahe aisi dawa de jao

ishq ne mansab likhe jis din mirī taqdīr meñ
daaġh kī naqadī milī sahrā milā jāgīr meñ

ishq ne mansab likhe jis din meri taqdir mein

vo kyā jaane us se bichhaḌ ke ham par kyā kyā guzrī hai
sahrā jaisā din kā aalam parbat jaisī raat huī

kya chaha tha kya socha tha kya guzri kya baat hui

kī vus.at-e-sahrā kī qadmoñ ne pazīrā.ī
mujh sā na koī hogā shā.ista-e-vīrāna

phir rah dikha mujhko ai mashrab-e-rindana

shahr kā shahr huā jaan kā pyāsā kaisā
saañs letā hai mire sāmne sahrā kaisā

shahr ka shahr hua jaan ka pyasa kaisa

ik qaum hai chāñdī kī jo miTTī pe khiñchī hai
sahrā meñ haiñ bahte hue dhāre kī tarah ham

nazron ki tarah log nazare ki tarah hum

tū ne jo parchhā.iyāñ chhoḌīñ vo sahrā ban ga.iiñ
ai nigār-e-vaqt ab pīchhe kabhī muḌ kar na dekh

band kar le khiDkiyan yun raat ko bahar na dekh

bahut itrā rahī hai mauj-e-sahrā apne hone par
ravāñ rakhtī ho jaise aaj bhī ye nahr paanī ko

nahin ab rok paegi fasil-e-shahr pani ko

bhaTak rahā hai akelā jo koh-o-sahrā meñ
us ek aadmī ko kārvāñ banānā hai

abhi zamin ko haft aasman banana hai

tire ehsās meñ Duubā huā maiñ
kabhī sahrā kabhī dariyā huā maiñ

tere ehsas mein Duba hua main

hamārā naam to hai qais-e-sākin-e-sahrā
pukāre jaate haiñ 'ehsās' urf-e-ām meñ ham

lage hue hain zamane ke intizam mein hum

suneñ mujh ko to maiñ dhaḌkan huuñ dil kī
nahīñ sunte to sahrā kī sadā huuñ

naya mazmun kitab-e-zist ka hun

sahrā se tishnagī kā sabab pūchhte ho kyā
dariyā bhī ham ne dekhe haiñ pyāse kabhī kabhī

guzre hain hum pe aise bhi lamhe kabhi kabhi

shikār dhund kā sahrā-navard karte haiñ
fareb khānā kahāñ dūsroñ ko aatā hai

panahen DhunDh ke kitni hi roz lata hai

vo jis ke ḳhauf se sahrā sidhāre log saare
guzarne ko hai tūfāñ kā vo relā maiñ akelā

kaThin tanhaiyon se kaun khela main akela

āshiyāñ banñe na paayā thā ki bijlī gir paḌī
baaġh abhī basne na paayā thā ki sahrā ho gayā

aankh se Tapka jo aansu wo sitara ho gaya

rah-e-talab meñ na.e regzār tak pahuñche
vo tishna-kām jo sahrā meñ tez gaam hue

bahut dinon mein hum un se jo ham-kalam hue