Collections

Lab Shayari

Motivational Ghazals

Best Khamoshi Shayari

More Collections

Tags-Sahra

vo bhī sahrā kī sadāoñ meñ giraftār rahā
aur mujh meñ bhī koī reg-e-ravāñ thā pahle

sahn-e-ehsas mein ek naqsh nihan tha pahle

ro dūñgā to ashk nahīñ āñkhoñ se ret bahegī
ḳhuun kahāñ kuchh sūkhe dariyā haiñ sahrā bhar mujh meñ

phail raha hai ye jo Khaali hone ka Dar mujh mein

mire vajūd ke sahrā kā kab taqāza hai
maiñ apnī pyaas ko tasvīr karne vaalā kaun

main apni zat ki tafsir karne wala kaun

yaad ke sahrā meñ kuchh to zindagī aa.e nazar
sochtā huuñ ab banā luuñ ret se hī koī ghar

yaad ke sahra mein kuchh to zindagi aae nazar

ham vahshiyoñ kā maskan kyā pūchhtā hai zālim
sahrā hai to sahrā hai zindāñ hai to zindāñ hai

gar jazba-e-wahshat ka ai dil yahi unwan hai

lailī-e-shoḳh-adā ain-e-tasavvur jo banī
qais ko dāman-e-sahrā meñ hudā-ḳhvāñ samjhā

hasti-e-nist-numa dida-e-hairan samjha

ābādiyoñ ke huzn meñ sahrā ke shahr meñ
bastī na.ī basā ke nazārā kareñge ham

begangi mein yunhi guzara karenge hum

pā-e-vahshat ne ajab naqsh banā.e the yahāñ
ai havā-e-sar-e-sahrā tirī raftār pe ḳhaak

jab ye aalam ho to likhiye lab-o-ruKHsar pe KHak

shorīdgī ke haath se hai sar vabāl-e-dosh
sahrā meñ ai ḳhudā koī dīvār bhī nahīñ

shoridgi ke hath se hai sar wabaal-e-dosh

maiñ vahshat-o-junūñ meñ tamāshā nahīñ banā
sahrā mire vajūd kā hissa nahīñ banā

main wahshat-o-junun mein tamasha nahin bana

tere hoñToñ pe tabassum aisā
phuul sahrā meñ khilā ho jaise

ye fana meri baqa ho jaise

ruḳh-e-sahrā hai 'ḳhizāñ' ghar kī taraf muddat se
ham jo sahrā kī taraf jaa.eñ to ghar jaa.e kahāñ

husn se haT ke mohabbat ki nazar jae kahan

mashām-e-tez se miltā hai sahrā meñ nishāñ us kā
zan o taḳhmīñ se haath aatā nahīñ āhū-e-tātārī

dil-e-bedar faruqi dil-e-bedar karrari

vaqt ne ta.amīr ke jazboñ ko kyā tasvīr dī
hai pas-e-manzar gulistāñ sāmne sahrā bhī hai

apne hi TuTe hue KHwabon ko dil chunta bhi hai

sahrā kī jabīnoñ pe ho shādābī to kaise
in sho.aloñ pe shabnam kī ridā tak nahīñ aatī

bosida sahi zeb-e-qaba tak nahin aati

saa.e chunte haiñ kaḌī dhuup ke sahrā se ham
pā-shikasta haiñ magar mahv-e-safar rahte haiñ

sang-rezon ki tarah pesh-e-nazar rahte hain

ho jaise kaifiyat-e-dil kā aa.ina manzar
vo ham-safar ho to sahrā bhī gulistāñ hī lage

yaqin jis ka hai wo baat bhi guman hi lage

bastī meñ to dil apnā lagtā nahīñ kaho phir
sahrā kī tarf kyūñkar ai nāseho na nikleñ

ya sabr ho hamin ko us tarf jo na niklen

ḳhāk-e-dil par tire sayyāl tasavvur kā ḳhirām
reg-e-sahrā pe ravāñ bād-e-sabā ho jaise

farz barson ki ibaadat ka ada ho jaise

sahrā duhā.ī detā rahā apnī pyaas kī
bādal baras ke ḳhushk chaTānoñ pe chhaT gayā

bachpan tamam buDhe sawalon mein kaT gaya