Tags-Sahra

ajab hai ye vīrān sahrā yahāñ
na tinkā koī āshiyāne ko hai

chāhe jañgal hoñ yā sahrā yā nagar
asl meñ tū hai havā kī zindagī

qalb-e-sahrā meñ chhuTpuTe ke vaqt
dil meñ ġhaltāñ hai ek turfa umañg

dekh mirī jaañ kah ga.e baahū kaun diloñ kī jaane 'huu'
bastī bastī sahrā sahrā lākhoñ kareñ divāne 'huu'

nishāñ numū ke haiñ kuchh to bisāt-e-sahrā par
jhulastī jaltī huī ghaas bhī ġhanīmat hai

hamāre ḳhuun rag-e-jāñ kī lāla-kārī se
jo aaj baaġh hai sahrā thā kuchh dinoñ pahle

sulgā huā hai ziist kā sahrā ufuq ufuq
chehroñ kī dilkashī ga.ī zebā.ī kam huī

maiñ vo ik chashm-e-pur-shauq jis ke liye vus.at-e-dasht-o-sahrā bhī kam thī

vahshat hai fuzūñ dil kī tanhā na chalā jaa.e
lāzim hai 'jamīla' ab sahrā ko nikal jaanā

uḌaa.ī ḳhaak us kī ḳhuub jā kar koh-o-sahrā meñ
dil-e-vahshī ne kyā ulTe diye chakkar tabāhī ko

milā hai taptā sahrā dekhne ko
chale the ghar se dariyā dekhne ko

saiñkaḌoñ sadiyoñ se sahrā kī sadā ke saath huuñ
raas aa saktī nahīñ dariyā kī sultānī mujhe

sahrā hī se guzrī thiiñ khoī ga.iiñ jo rāheñ
batlā.eñge ye chashme ye ban ye charāgāheñ

kyā ḳhabar kab qaid-e-bām-o-dar se uktā jaa.e dil
bastiyoñ ke darmiyāñ sahrā bhī honā chāhiye

maiñ dhuup sahrā meñ Duub jaane kī aarzū meñ taḌap rahī huuñ
mire nasīboñ meñ pyaas likhnā qadam qadam pe sarāb likhnā

qais mile to us se pūchhūñ kyā tire jī meñ aa.ī divāne
shahr ko tū ne kis liye chhoḌā kyūñki ḳhush aayā tujh ko sahrā

kuchh talab meñ bhī izāfa kartī haiñ mahrūmiyāñ
pyaas kā ehsās baḌh jaatā hai sahrā dekh kar

ham to sahrā hue jaate the ki us ne aa kar
shahr ābād kiyā nahr-e-sabā jaarī kī

hijr meñ imkān itne vasl sirf ik vāqi.a
vus.at-e-sahrā meñ kyā dīvār-o-dar kī sochnā

ik aisā vaqt bhī sahrā meñ aane vaalā hai
ki rāsta yahāñ dariyā banāne vaalā hai