Tags-Sahra

mere sahrā mujhe honā hai añdheroñ ke ḳhilāf
jis meñ sūraj bhī chalā aa.e vo ḳhema denā

chaltī phirtī chhāñv hai pyāre
kis kā sahrā kaisā gulshan

chār-sū phailī huī mauj-e-nafas kī guuñj thī
mujh ko pyāsī ret kā sahrā bhī ik dariyā lagā

aap phūloñ titliyoñ meñ chhup ga.e
ham ko sahrā kā nigahbāñ kar diyā

dard ke lā-matanāhī sahrā se guzarne ke baad maañ ne āñkheñ kholīñ
dekhā duā ke liye uThe haath gir chuke the kyūñki maiñ

jo dekhiye to bagūla hai reg-e-āvāra
jo sochiye to yahī ābrū-e-sahrā hai

na koī dost na dushman ajiib duniyā hai
ye zindagī hai ki tanhā.iyoñ kā sahrā hai

ye to sahrā hai yahāñ ThanDī havā kab aa.egī
yaar, tum ko saañs lene kī adā kab aa.egī

aa.e the kyuuñ sahrā meñ jugnū ban kar
taptī lū meñ halkī sī ḳhushbū ban kar

ab us kā naam le ke pukāreñ use kahāñ
sahrā bhī ab to ḳhalq se ma.amūr ho gayā

ḳhirad tahlīl sahrā kar rahī hai
junūñ kā isti.āra mar rahā hai

karnā paḌegā apne hī saa.e meñ ab qayām
chāroñ taraf hai dhuup kā sahrā bichhā huā

be-qarār be-kal hai jaañ sukūñ ke sahrā meñ
aaj tak na dekhī thī ye ghaḌī jo ab guzrī

tanhā.ī ham-kanār hai sahrā kī rāt-bhar
kaise maiñ apne chāñd sitāre se kaT gayā

tum sochte ho aish kā bistar hai mayassar
maiñ dhuup ke sahrā meñ thakan oḌh rahā huuñ

merī vahshat ko ye sahrā kī masāfat kam hai
sair ke vāste kuchh aur fazā hī māñgūñ

bhulā.e ābla-pāoñ ko baiThe the chaman vaale
garajtī āñdhiyāñ aa.iiñ ki sahrā kā salām aayā

sahrā meñ ik ret-mahal ta.amīr kareñ
sukh se baiTheñ añgūroñ kī chhāñv meñ

kitne hātim bhaTke barsoñ lauh-e-tilism-e-rāz liye
phir bhī ik asrār kā sahrā phir bhī hai ik raaz badan