Tags-Sahra

ga.e ve din jo rahte the jahāñ-ābād meñ ham bhī
ḳharābī shahr kī sahrā ke āvāroñ se mat pūchho

biit gayā hai pyaar kā mausam ghar ghar sahrā jaisā hai
dil ke darvāze par ab to ḳhāmoshī kā pahrā hai

'mus.hafī' kar ke chaak garebāñ chal jañgal ko ai dīvāne
dekh to kyā phūlā hai laala surḳh hai kaisā dāman-e-sahrā

naḳhl-e-sahrā thā magar jab se tū royā mujh par
dekh maiñ phūltā-phaltā hī chalā jaatā huuñ

merī mehnat kī qīmat kyā degā tū
maiñ ne dasht-o-sahrā ko gulzār kiyā

sahrā meñ zamāñ makāñ ke kho jaatī haiñ
sadiyoñ bedār rah ke so jaatī haiñ

aur kyā detā bhalā sahrā-navardī kā ḳhirāj
tū bachā thā ab ke tū bhī nazr-e-mahmil ho gayā

tumheñ hī sahrā sambhālne kī paḌī huī hai
nikal ke ghar se bhī ham to ghar se bañdhe hue haiñ

vo bhī ḳhirām-e-nāz se bhūlā hai chaukḌī
kartā hai ab to āhū-e-sahrā bhī ram ġhalat

ham vo sahrā ke musāfir haiñ abhī tak jin kī
pyaas bujhtī hai sarāboñ kī kahānī sun kar

amaañ kī jā mujhe ai shahr tū ne dī to hai
bhulā na pā.ūñgā sahrā kī be-karānī ko

ek hī sahrā ke baasī the sabhī
koī apnā koī begāna na thā

usī se 'ajmal' tamām fasl-e-ġhubār-e-sahrā
udaas āñkhoñ meñ phir bhī raushan diyā usī kā

āzādī-e-junūñ kā yahī kyā ma.aal thā
zindāñ se dil-farebī-e-sahrā badal ga.ī

nikhrī huī bahār meñ chhāle haiñ ḳhūñ-chakāñ
apne qadam se qismat-e-sahrā badal ga.ī

ā.ankhoñ kī pyāliyoñ meñ bārish machī huī hai
sahrā meñ koī manzar shādāb aa rahā hai

vo ishq ko kis tarah samajh pā.egā jis ne
sahrā se gale milte samundar nahīñ dekhā

sāl-hā-sāl se ḳhush-bāsh jo huuñ sahrā meñ
ālam-e-hū ko samajhtā huuñ maiñ vīrāna-e-ishq

ho sake kyā apnī vahshat kā ilaaj
mere kūche meñ bhī sahrā chāhiye

na jaane kab mire sahrā meñ aa.e
vo ik dariyā ki tūfānī bahut hai