Tags-Sahra

koī bagūla raqsāñ mere andar hai
dil-sahrā meñ jashn ke jaisā manzar hai

kabhī kabhī aarzū ke sahrā meñ aa ke rukte haiñ qāfile se
vo saarī bāteñ lagāv kī sī vo saare unvāñ visāl ke se

ye vīrāna na thā vīrān itnā
ye sahrā is qadar sahrā nahīñ thā

sim-sim-e-sīm se khul jaate haiñ uqdoñ ke pahāḌ
jagmagā uThte haiñ phūloñ ke diye sahrā meñ

chal 'anjum' ghar lauT chaleñ
sahrā meñ kyā rakkhā hai

uḌtī ghaTā ko kyā ma.alūm
sahrā kitnā pyāsā hai

itnī taab kahāñ hai bekas āñkhoñ meñ
sahrā meñ ab ḳhvāb sulāyā kartā huuñ

chāroñ taraf the dhuup ke jañgal hare-bhare
sahrā meñ koī mere alāva shajar na thā

yuuñ kahāñ bhaTakte ham ḳhvāhishoñ ke sahrā meñ
fan agar hameñ aatā māl-o-zar banāne kā

itnī vus.at se mirī qalb-o-nazar ko maulā
aañkh sahrā pe dharūñ āb-e-ravāñ tak dekhūñ

shahr se phir koī vahshī idhar aayā shāyad
aaj sahrā meñ haiñ andāz-e-ġhazālāñ kuchh aur

qānūn-e-bāġh-bāni-e-sahra to likh chuke
unvān-e-zīst bhī kisī sūrat raqam to ho

dil ke sahrā kī ḳhushk dhartī par
is qadar hai ġhubār tauba hai

maiñ chhīnūñgg sahrā qais-qabīle se
ret ko phir bādal ke muñh par pheñkuñgā

mānind-e-gard-bād huuñ ḳhāna-ba-dosh maiñ
sahrā meñ huuñ magar mirā kāshāna saath hai

le chalī hai mujh ko sahrā kī kashish
chāra-gar le ab mirī zanjīr khīñch

jo lab-kushā huuñ to hañgāma-e-bahār huuñ maiñ
agar ḳhamosh rahūñ to sukūt-e-sahrā huuñ

kaT gayā din kā dahaktā huā sahrā bhī to kyā
raat ke gahre samundar meñ utarnā hai abhī

qāfile pyaas ke guzreñge isī raste se
sahrā meñ paanī kī tahrīr banā.ī jaa.e

mere sahrā meñ tum aa.e to ho nāzuk-nafaso
saañs bhī lī hai kabhī aisī havā meñ pahle