Tags-Andhera

vo jin ke hote haiñ ḳhurshīd āstīnoñ meñ
unheñ kahīñ se bulāo baḌā añdherā hai

husn hai mashġhala-e-zulm ko gahrā parda
pas-e-parda hai añdherā mujhe ma.alūm na thā

jab ki añdherā ghup chhātā hai
raushan sūraj chhup jaatā hai

jāgtī galiyoñ ūñche gharoñ meñ zard añdherā nāchtā hai
jis lamhe se ham Darte the us ne āḳhir vaar kiyā

āsmānoñ se barastā hai añdherā kaisā
apnī palkoñ pe liye jashn-e-charāġhāñ chaliye

ujāloñ se añdherā chhaT na paayā
ujāle jagmagāte hī rahe bas

sabt hai chehroñ pe chup ban meñ añdherā ho chukā
dekhne aa.e ho kyā logo tamāshā ho chukā

DhūñD jugnū koī zulmat ko miTāne vaalā
ab to sūraj se añdherā nahīñ jaane vaalā

dar aayā añdherā āñkhoñ meñ aur sab manzar dhundlā.e haiñ
ye vaqt hai dil ke Dūbne kā aur shaam ke gahre saa.e haiñ

bichhaḌ jā.ūñ agar tum se añdherā chhā hī jā.egā
ki jis meñ nuur hai pinhā maiñ aisā ik nagīna huuñ

kisī taraf jaane kā rasta kahīñ nahīñ
aisā ghor añdherā dekhā kahīñ nahīñ

kaale kapḌe nahīñ pahne haiñ to itnā kar le
ik zarā der ko kamre meñ añdherā kar le

'ājiz' kī haiñ ulTī bāteñ kaun use samjhā.e
dhuup ko pāgal kahe añdherā din ko raat batā.e

yaar añdherā kar pahle is kamre meñ
chaḌh jaatā huuñ varna maiñ uryānī se

ġham hai sannāToñ meñ qadmoñ ke nishāñ tak 'rashid'
vo añdherā hai ki dīvāroñ se rastā chāhūñ

un ke aate bazm meñ kyuuñ hosh sab ke uḌ ga.e
duur hotā hai añdherā sham.a jal jaane ke ba.ad

bastī bastī ghor añdherā suunā suunā jaada thā
shab ke pichhle-pahar kā sannāTā kuchh aur ziyāda thā

añdherā paḌā zamāne meñ haa.e
ne din ko hai mehr ne qamar raat

raat behad chup hai aur us kā añdherā sharmagīñ
shaam paḌte hī damakte the jo rañgoñ ke nagīñ

har bashar hai fariyādī har taraf añdherā hai
mehr-o-mah nahīñ nikle shahr meñ mahīnoñ se