English
Favourite
Favourite
UrduShayarUrduShayar
Expand menu
Sign inAccount

Tags-Samundar

maiñ ik nadī huuñ mirī zaat ik samundar hai
maiñ apnī ḳhaak pe bahne meñ TuuT jaatā huuñ
Ghazal
 ye hijraton ke tamashe, ye qarz rishton ke
machhliyāñ saarī samundar kī laraz uThtī haiñ
koī tinkā bhī agar tinke se jā lagtā hai
Ghazal
 jis ko dekho wo giraftar-e-bala lagta hai
kisī ne kashtī utārī to thī samundar meñ
magar havā ne koī bādbāñ na rahne diyā
Ghazal
 yaqin ne mujhko asir-e-guman na rahne diya
mirī nazar hī samundar kī āḳhirī had thī
mirī thakan ne mujhe par-fishāñ na rahne diyā
Ghazal
 yaqin ne mujhko asir-e-guman na rahne diya
'shahzād' dil ko zabt kā yaarā nahīñ rahā
niklā jo māhtāb samundar uchhal paḌe
Ghazal
 ye soch kar ki teri jabin par na bal paDe
rāh-rau aur bhī duniyā meñ haiñ 'arshad' lekin
merī hī raah meñ paḌte haiñ samundar saare
Ghazal
 garche zahir mein hain ahwal munawwar sare
dekhā ajiib rabt anāsir ke darmiyāñ
badlā jo āsmāñ to samundar hī aur thā
Ghazal
 yaadash-ba-KHair saya-fagan ghar hi aur tha
pahle utrā maiñ dil ke dariyā meñ
phir samundar utar ga.e mujh meñ
Ghazal
 aks kitne utar gae mujh mein
un ke pīchhe bhī koī ġham kā samundar hogā
varna aañsū na kabhī aañkh meñ khāre hote
Ghazal
 meri mahfil mein agar chand sitare hote
mujh ko sahrāoñ se jaane kī ijāzat hotī
phir ye dariyā na samundar na kināre hote
Ghazal
 meri mahfil mein agar chand sitare hote
mayassar se ziyāda chāhtā hai
samundar jaise dariyā chāhtā hai
Ghazal
 lahu tezab karna chahta hai
zamānoñ ke ḳharāboñ meñ utar kar dekh letā huuñ
purāne jañgaloñ meñ bhī samundar dekh letā huuñ
Ghazal
 zamanon ke KHarabon mein utar kar dekh leta hun
dil ko āñkhoñ se ulajhne nahīñ detā 'āmī'
varna dariyā se samundar bhī guzar saktā hai
Ghazal
 jitne pani mein koi Dub ke mar sakta hai
mohabbat kā samundar us kī maujeñ ai ma.āz-allāh
dil itnā Dūbtā jaatā thā jitnā ham ubharte the
Ghazal
 taghaful aur karam donon barabar kaam karte the
ye añdherā ye samundar ye talātum aao
aao aur mujh meñ samāo ki kaḌī raat kaTe
Ghazal
 dosto durd pilao ki kaDi raat kaTe
koī tūfān bas aane hī vaalā hai samundar meñ
ki bū is baat kī ḳhāmoshī-e-sāhil se aatī hai
Ghazal
 hawa-e-zindagi bhi kucha-e-qatil se aati hai
hoñkte dasht meñ ik ġham kā samundar dekho
tum kisī roz agar dil meñ utar kar dekho
Ghazal
 honkte dasht mein ek gham ka samundar dekho
insān huuñ dhaḌakte hue dil pe haath rakh
yuuñ Duub kar na dekh samundar nahīñ huuñ maiñ
Ghazal
 mana ki musht-e-KHak se baDh kar nahin hun main
ab karb ke tūfāñ se guzarnā hī paḌegā
sūraj ko samundar meñ utarnā hī paḌegā
Ghazal
 ab karb ke tufan se guzarna hi paDega
samundar aur havā ke bhed 'nāsir'
khuleñge bādbānī mausamoñ meñ
Ghazal
 KHala ke darmiyani mausamon mein
Top Urdushayar.com