Tags-Samundar

aaj ham be-karāñ samundar haiñ
tum vo dariyā nahīñ ki tum se kaheñ

ḳhvāhishoñ kā badan samundar hai
ruuh us ke yaqīñ kā maz.har hai

vo samundar vo havā.eñ vo tazabzub aur vo aañkh
jaan se jaane ga.e the aur gale yaarī paḌī

chalo ki niilī fazāoñ meñ bādbāñ kholeñ
safar-navāz samundar dikhā.ī detā hai

talab kī raah meñ har shaḳhs hai barābar kā
yahāñ sabhī haiñ samundar sarāb koī nahīñ

chaaT lī kirnoñ ne mere jism kī saarī miThās
maiñ samundar thā vo sūraj mujh ko sahrā kar gayā

kal sair kiyā ham ne samundar ko bhī jā kar
thā dast-e-nigar panja-e-mizhgāñ kī tarī kā

samundar meñ bahut halchal thī ik din
safīna kis kā Duubā jā rahā thā

jis ko chāheñ ye use apnā banā saktī haiñ
terī ā.ankhoñ ke samundar meñ hunar jāgtā hai

har ghaḌī ḳhud se ulajhnā hai muqaddar merā
maiñ hī kashtī huuñ mujhī meñ hai samundar merā

chāñd ho roz badalte ho tumhārā kyā hai
maiñ samundar huuñ abad tak na bahakne vaalā

de detā hai har baar vahī naav purānī
ḳhvāboñ ko samundar meñ bahāne nahīñ detā

sau dasht samundar chhāno par aate raho qarya-e-dil tak bhī
bairūnī havā ke jhoñkoñ meñ ik mauj-e-maqāmī rahne do

āñkhoñ meñ rahā dil meñ utar kar nahīñ dekhā
kashtī ke musāfir ne samundar nahīñ dekhā

bārish ko bādaloñ ko samundar ko chhoḌ kar
'afroz' ham to sāqī-e-kausar ke ho ga.e

maiñ is tarah se kūcha-e-vahshat kī ho ga.ī
mallāh jis tarah se samundar ke ho ga.e

raat jo kuchh mujhe detī hai sahar se pahle
vaqt ke gahre samundar meñ utaar aatā huuñ

mauj-dar-mauj ubharte haiñ tamannā ke sarāb
merī tishna-dahnī meñ haiñ samundar pinhāñ

apnā tūfāñ na dikhā.e vo samundar mujh ko
chaar qatre na hue jis se mayassar mujh ko

ik samundar ne ḳhud ko jazīra kiyā
kyā huā kyuuñ huā pūchhtā kaun hai