Tags-Sardi

katrāte haiñ bal khāte haiñ ghabrāte haiñ kyuuñ log
sardī hai to paanī meñ utar kyuuñ nahīñ jaate

mausam-e-sarmā kī raat
jis ke sardī meñ rache barfīle haath

december kā mahīna aur dillī kī sardī
sitāroñ kī jhilmilātī jhurmuT se pare

laboñ se lagte hī ho ga.ī thī tamām sardī dil-o-jigar meñ
diyā thā saaqī ne raat ham ko kuchh aise mai kā ayāġh ThanDā

kabhī bārish kabhī garmī kabhī sardī zarūrī hai
kisī ko 'sād' mausam ek se achchhe nahīñ lagte

sardī-o-garmī-o-barsāt meñ aa jaatā hai
mujh se milne vo mazāfāt meñ aa jaatā hai

garmī kī tapish bujhāne vaalī
sardī kā payām laane vaalī

sardī khāte daañt bajāte aa.e december baabā
rañg-birañge uunī kapḌe laa.e december baabā

sardī hai ki is jism se phir bhī nahīñ jaatī
sūraj hai ki muddat se mire sar par khaḌā hai

vo haqīqat hai dil-e-afsurda kī
TimTimā.e jaise sardī kā charāġh

sardī bhī ḳhatm ho ga.ī barsāt bhī ga.ī
aur is ke saath garmi-e-jazbāt bhī ga.ī

tum to sardī kī hasīñ dhuup kā chehra ho jise
dekhte rahte haiñ dīvār se jaate hue ham

sardī guzrī garmī aa.ī
saath meñ apne halchal laa.ī

libās-e-pumbai bin kyūñke guzre mausam-e-sarmā
qayāmat hai ye terī sard-mehrī tis pe ye sardī

thoḌī sardī zarā sā nazla hai
shā.erī kā mizāj patlā hai

sūraj lihāf oḌh ke soyā tamām raat
sardī se ik parinda darīche meñ mar gayā

be-tahāsha bhīgnā be-fikr ho kar khelnā
aur phir sardī ke maare kapkapānā yaad hai

aap ke jism pe kyā ḳhuub hai mausam kā libās
haa.e jo alag samajhte nahīñ garmī-sardī

sardī meñ din sard milā
har mausam bedard milā

ik paTrī par sardī meñ apnī taqdīr ko ro.e
duujā zulfoñ kī chhāñv meñ sukh kī sej pe so.e