Tags-Saya

jhulas ke rah ga.e āñgan meñ dhuup se paude
ki sāya-dār purānā shajar na thā koī

dhuup kī saḳhtī to thī lekin 'farāz'
zindagī meñ phir bhī thā saaya bahut

duur ke peḌ kā jaltā saaya
ham donoñ ko dekh rahā thā

āñgan kī dīvār kā saaya
chādar ban kar phail gayā thā

merī bastī meñ jo sūraj kabhī utrā hotā
maiñ badan hotā tirā to mirā saaya hotā

saaya huuñ magar mehr-e-daraḳhshāñ se hai nisbat
zulmat huuñ par andhoñ se mujhe kaam nahīñ hai

raushnī apnī shabāhat hī bhulā de na kahīñ
apne sūraj ke sirhāne mirā saaya rakh de

vahī sadā jo mire ḳhuuñ meñ sarsarātī thī
vo saaya saaya hai ab har kisī kī āñkhoñ meñ

jab se dekhā hai khetoñ meñ maiñ ne zālim dhuup kā ruup
tab se terī zulf kā saaya duur bahut hī duur huā

kyuuñ jaage hue shahr meñ tanhā hai har ik shaḳhs
ye raushnī kaisī hai ki saaya bhī judā hai

bachpan meñ māñ-bāp kā saaya
javānī tanhā tanhā

duur tak koī nahīñ hai shajar-e-sāya-dār
chand sūkhe hue peḌoñ kī qatāroñ ke sivā

irfān kī had yā mire paikar kī sharārat
niklā mirā saaya mirī dastār se aage

ik parī-vash ḳhayāl par aayā
ek saaya sā mujh meñ dar aayā

pīchhe pīchhe koī saaya sā chalā aatā thā
haa.e vo kaun thā muḌ kar use dekhā hotā

dopahar guzrī magar dhuup kā aalam hai vahī
koī saaya kisī dīvār se utrā hotā

ham bhī tab tak haiñ ki yaañ jalva hai jab tak terā
hastī-e-sāya bhī sach pūchho to hai nuur talak

pahle to ik saaya ubhrā phir saaya tasvīr banā
ab vo shakl mirī dīvār pe goyā naqsh-e-davām huī

parda-e-zehn se saaya sā guzar jaatā hai
jaise pal bhar ko mirā dil bhī Thahar jaatā hai

hujūm-e-isyāñ se kuchh nahīñ Dar samajh chukā huuñ ba-roz-e-mahshar
hai us kī rahmat kā saaya sar par to kyuuñ kahūñ aasrā nahīñ hai