Tags-Saya

hai tez dhuup safar lambā par tumhārī yaad
hai ek saaya mire sar pe sā.ebāñ kī tarah

dhuup the sab rāste darkār thā saaya hameñ
ik sarāb-e-ḳhush-numā ne aur tarsāyā hameñ

abr kā saaya dhuup kī chādar tere naam
is dhartī ke saare manzar tere naam

ek dīvār se mil jaatā hai saaya bhī hameñ
aur chāheñ to kuchh ehsās-e-ham-āġhoshī bhī

jab tak maiñ pahuñchtā huuñ kaḌī dhuup meñ chal kar
dīvār kā saaya pas-e-dīvār na ho jaa.e

magar ye kaun badaltī huī rutoñ se kahe
shajar meñ saaya nahīñ hai shajar to ab bhī hai

mire buzurgoñ ke sar par humā kā saaya thā
ye aaj ġhairoñ ke sar par hai kyā kiyā jaa.e

itnī fursat de ki ruḳhsat ho leñ ai sayyād ham
muddatoñ is baaġh ke saaye meñ the āzād ham

saaya huuñ to phir saath na rakhne kā sabab kyā
patthar huuñ to raste se haTā kyuuñ nahīñ dete

dekhtā huuñ maiñ tirī raah meñ dām-e-hairat
raushnī raat se aur dhuup se saaya nikle

peḌ ke kāTne vāloñ ko ye mālūm to thā
jism jal jā.eñge jab sar pe na saaya hogā

vo ḳhushī nahīñ hai vo dil nahīñ magar un kā saaya sā ham-nashīñ
faqat ek ġham-zada yaad hai faqat ik fasurda ḳhayāl hai

koī aaseb hai saaya hai ki jādūgar hai
jaane kyā baat hai har shaḳhs ke dil meñ Dar hai

vajūd vāhima hai ai badan-nazhād samajh
ye terā saaya bhī shāyad tire jasad se na ho

aa zarā baiTh mire paas bhī kuchh pul ke liye
mere hamdam tirī dīvār kā saaya maiñ huuñ

haal kā zaḳhm to maazī se bahut gahrā hai
aaj zaḳhmī mirā saaya bhī huā hai yaaro

tīrgī ke dā.ere meñ rakh gayā
ek saaya aa ke phir jaltā charāġh

bas ik shuā-e-nūr se saaya simaT gayā
vo paas aa rahā thā ki maiñ duur haT gayā

ab kaun jaa.e kū-e-malāmat se lauT kar
qadmoñ se aa ke apnā hī saaya lipaT gayā