English
Favourite
Favourite
UrduShayarUrduShayar
Expand menu
Sign inAccount

Tags-Saya

ban jaa.eñ kal saroñ pe ye saaya ghaner sā
paude jagah jagah pe lagātī rahī huuñ maiñ
Ghazal
 ek shama anjuman mein jalati rahi hun main
yā to apne jism kī had se nikalnā chhoḌ de
saaya hai to dhuup se inkār kar saktā nahīñ
Ghazal
 maine socha tha mujhe mismar kar sakta nahin
mere saath lagā rahtā hai yādoñ kā bādal
dhūp-bhare rastoñ par us ne saaya chhoḌ diyā
Ghazal
 kab tak us ka hijr manata sahra chhoD diya
is qadar dhuup meñ shiddat thī ki ghabrā kar dil
saa.e kī aas meñ be-sāya shajar tak pahuñchā
Ghazal
 ek talluq nahin sambhla to bhanwar tak pahuncha
zindagī dhuup meñ aane se khulī
saaya dīvār uThāne se khulā
Ghazal
 aasman aankh uThane se khula
vo kaun log haiñ jin par humā hai sāya-fagan
yahāñ to buum bhī bālā-e-sar nahīñ aatā
Ghazal
 wo rashk-e-mehr-o-qamar ghat par nahin aata
ba-juz saaya tan-e-lāġhar ko mere koī kyā samjhe
mirī sūrat ko mahfil meñ vo naqsh-e-boriyā samjhe
Ghazal
 ba-juz saya tan-e-laghar ko mere koi kya samjhe
siyah-baḳhtī pe saaya gar ho terī zulf-e-shab-gūñ kā
use vo apne sar pe sāya-e-bāl-e-humā samjhe
Ghazal
 ba-juz saya tan-e-laghar ko mere koi kya samjhe
tirchhe sūraj kī shuā.eñ de ga.iiñ ik ham-safar
merā saaya hī mire qad ke barābar ho gayā
Ghazal
 dard ki KHushbu se sara ghar moattar ho gaya
hamrāh tumhāre huuñ kisī jā huuñ kahīñ huuñ
saaya kī tarah tum ho jahāñ maiñ bhī vahāñ huuñ
Ghazal
 daghon se dil-o-sina ke afroKHta-jaan hun
ziist ke pur-shor sāhil par ga.e lamhoñ kī yaad
jis tarah saaya ho sat.h-e-āb par Thahrā huā
Ghazal
 marte marte raushni ka KHwab to pura hua
rāstoñ par peḌ jab dekhe to aañsū aa ga.e
har shajar saaya thā terī yaad se miltā huā
Ghazal
 marte marte raushni ka KHwab to pura hua
yuuñ saath ruuh ke hai tan-e-zār ab 'nizām'
phirtā hai jaise saaya mirā tan ke saath saath
Ghazal
 hilti hai zulf jumbish-e-gardan ke sath sath
jaane dahlīz pe utrā thā vo kis kā saaya
yuuñ lagā jaise ki apnā koī vāpas aayā
Nazm
 jaise
kyā jāneñ kaun rog hai ishq-e-balā-e-jāñ
saaya hai koī yā ki jhapaTTā hai yā maraz
Ghazal
 pinhan tha KHush-nigahon ki didar ka maraz
koī aaseb hai yā sirf nigāhoñ kā fareb
ek saaya mujhe har sū nazar aatā kyuuñ hai
Ghazal
 koi batlae ki ye turfa tamasha kyun hai
zulf kab kī ātish-e-ayyām se kumhlā ga.ī
zulf kā saaya nahīñ Dhaltā sar-e-mū aaj bhī
Ghazal
 dekhta hun phul aur kanTe ba-har-su aaj bhi
tanhā.iyoñ meñ aatī rahī jab bhī us kī yaad
saaya sā ik qarīb mire Doltā rahā
Sher
 tanhaiyon mein aati rahi jab bhi uski yaad
ham kushtgān-e-ishq haiñ abrū-o-chashm-e-yar
sar se hamāre teġh kā saaya na jā.egā
Ghazal
 us ka KHiram dekh ke jaya na jaega
paudā jo kal thā ab shajar-e-sāya-dār hai
paapā miyāñ ke baaġh meñ kaisī bahār hai
Nazm
 papa miyan
Top Urdushayar.com