Tags-Saya

kar gayā sūraj sabhī ko be-libās
ab koī saaya koī paikar na dekh

saath apne ġhamoñ kī dhuup rahī
saath ik sarv-e-sāya-dār rahā

thī jo vo ik tamsīl-e-māzī āḳhirī manzar us kā ye thā
pahle ik saaya sā nikal ke ghar se bāhar aatā hai

hasb-e-ma.amūl aa.e haiñ shāḳhoñ meñ phuul ab ke baras
saya-afgan haiñ magar un par babūl ab ke baras

sochne kā koī natīja nahīñ
saaya hai e'tibār-e-sāya nahīñ

us kī nārāzī kā sūraj jab savā neze pe thā
apne harf-e-ijz hī ne sar pe saaya kar diyā

sar pe sūraj ke hamāre pyaar kā saaya rahe
māmtā kā jism māñge zindagī kī baat ko

sūraj ne jab shab kā labāda pahan liyā thā
har ik shai ne apnā saayā pahan liyā thā

vo naḳhl-e-ḳhizāñ-dīda huuñ us dasht meñ jis ke
saaye meñ kisī pahuñche ne bisrām na paayā

chhāñv meñ zulf ke dhanak ke rañg
saaya yuuñ raushnī se miltā hai

dekhā thā kahīñ saaya tire qad kā chaman meñ
haiñ 'mīr'-jī āvāra-parī daar se ab tak

ab mirī zaat meñ bas ek kī gunjā.ish hai
maiñ huā dhuup to saaya nahīñ ho pā.ūñgā

kuchh aise kam-nazar bhī musāfir hameñ mile
jo saaya DhūñDte haiñ shajar kāTne ke ba.ad

iqbāl musā.id jab na rahā rakkhe ye qadam jis manzil meñ
ashjār se saaya duur huā chashmoñ ne ubalnā chhoḌ diyā

dekhnā ye hai ki kaun aatā hai saaya ban kar
dhuup meñ baiTh ke logoñ ko bulāyā jaa.e

zindagī kī ai kaḌī dhuup bachā le mujh ko
pīchhe pīchhe ye mire maut kā saaya kyā hai

tai kiyā maiñ ne safar jaldī ki maiñ jaldī meñ thā
rah gayā saaya mirā donoñ jahāñ ke us taraf

be-soche-samjhe ghar se jo yūñhī nikal paḌe
ab DhūñDte haiñ saaya kisī sā.ebān kā