Tags-Saya

taras na jaa.e raqs-o-ram ko bhī kahīñ
vo dasht jis pe saaya aadmī kā hai

be-navā shahr kā saaya hai mire dil pe 'farāz'
kis tarah se mirī āshufta-ḳhayālī jaa.e

yuuñ to dīvār ke pahlū meñ khaḌe the ham bhī
dhuup aisī thī ki dīvār kā saaya kam thā

afsos hai ki sāya-e-murġh-e-havā kī tarah
ham jis ke saath saath chaleñ vo judā chale

merā saaya
mere qad se baḌā hai

naqsh-e-qadam bhī aap kā ik saañp kā phan hī lagā
sāya-numā ḳhanjar se hī maarā gayā thā ek maiñ

lekin saaya ghanā ghanā thā

mujh ko tirī āvāz kā saaya hī bahut hai
ye bahs hai be-kār ki tū mujh se judā hai

sa.ī-e-tarīq-e-shauq se fitne ko āgahī nahīñ
us kī jilau meñ dauḌe se saaya barhana-pā ki yuuñ

saaya hai un pe bahut bhūlī huī yādoñ kā
shaam aa.ī hai parī-zādoñ meñ vahshat dekho

koī saaya na shajar koī tamannā na umañg
uḌ ga.ī sar se ridā chaliye yahāñ se chaliye

dhuup kī saḳhtī to thī lekin 'farāz'
zindagī meñ phir bhī thā saaya bahut

miltī hī kahāñ chhāñv mujhe vādī-e-ġham meñ
saaya bhī mirā qad ke barābar na huā thā

chāñdnī meñ sāya-hā-e-kāḳh-o-kū meñ ghūmiye
phir kisī ko chāhne kī aarzū meñ ghūmiye

ġhamoñ kī dhuup meñ jaltā huuñ misl-e-sahrā maiñ
bichhaḌ gayā mirā saaya khaḌā huuñ tanhā maiñ

pahle-pahal to zabt ke mausam kar jaate haiñ apnā saaya
baad meñ āñkhoñ hī āñkhoñ meñ haal sunānā paḌ jaatā hai

shaam meñ din tabdīl huā ab
ab har saaya qad-āvar hai

aag oḌhe thā magar baañT rahā thā saaya
dhuup ke shahr meñ ik tanhā shajar aisā thā

pursish-e-hāl meñ ehsās-e-takalluf kaisā
koī saaya pas-e-dīvār nahīñ dīvāno