Tags-Shaam

hai bāb-e-shahr-e-murda guzar-gāh-e-bād-e-shām
maiñ chup huuñ is jagah kī girānī ko dekh kar

ajiib rañg badaltī huī mirī duniyā
ba-zer-e-shām-e-safar nīl-gām hotī huī

shām-e-hijrāñ meñ sitāroñ ko na Thahrā.eñ sharīk
ā.īna-ḳhāne meñ aa kar ḳhud-shumārī kījiye

is udāsī kā dhuñdlakā ḳhatm ho shāyad kabhī
shaam se pahle hī unvān-e-sahar ho jā.iye

jabki jaarī ho zabānoñ par ye kalma sub.h o shaam
naġhma-hā-e-sāz se baḌh kar hai jo mojaz nizām

kahāñ sub.h-e-ġham kā sūraj kahāñ shaam kā sitāra
isī ruḳh pe zulf bikhre yahī sub.h-o-shām kar lo

vo jo lamha lamha bikhar gayā vo jo apnī had se guzar gayā
use fikr-e-shām-o-sahar ho kyā use ranjish-e-mah-o-sāl kyā

shaam se thī aamad aamad nisf shab ko aa.e vo
yāvarī kar ke mirī taqdīr aadhī rah ga.ī

hai maqsad-e-hayāt ki manzil mile 'sadaf'
us kī talāsh shām-o-sahar kar rahe haiñ ham

tū rabb-e-kā.ināt hai parvardigār hai
sajde tujhe hī shām-o-sahar kar rahe haiñ ham

ye rū-e-raushan aur ye gesu-e-mushk-e-fām
yaañ shaam meñ to sub.h hai aur sub.h meñ hai shaam

dil meñ aise Thahar ga.e haiñ ġham
jaise jañgal meñ shaam ke saa.e

bedār kar ga.e sahar-o-shām-e-zindagī
āh-o-fuġhān-e-shām-o-sahar de ga.e mujhe

shāyad ki din phire haiñ kisī tīra-roz ke
ab ġhair us galī meñ nahīñ phirte shaam ko

shikast-e-shab tirī taqrīb se zarā pahle
diye jalātī huī shaam se milā huuñ maiñ

ḳhvāboñ ke darīche meñ ho jaise koī chehra
yuuñ dard nikhartā hai sar-e-shām kisī kā

shām-e-vāda kā Dhal gayā saaya
aane vaalā abhī nahīñ aayā

vo mausam vo samāñ vo din vo sub.h-o-shām vo rāteñ
vo hañste nāchte gaate sitāre yaad aate haiñ

tum ne dekhā hai kabhī dil ye hamārā TuuTā
dekhne aatā hai har shaam sitārā TuuTā

ye jo yaksūī mayassar hai mujhe shaam o sahar
sar-ba-sar mere liye vaj.h-e-pareshānī hai