Tags-Shaam

kinār-e-shām kyā jalne lagā hai
har ik bujhtā diyā jalne lagā hai

vo parinda huuñ jise hote hī shaam
bhuul jaa.e apne ghar kā rāstā

rastoñ pe añdhere phail ga.e ik manzil-e-ġham tak shaam huī
ai ham-safaro kyā faisla hai ab chalnā hai ki Thaharnā hai

charāġh-e-sub.h kī afsurdagī nahīñ tanhā
kahīñ qarīb yahīñ āftāb-e-shām bhī hai

charāġh-e-bazm-e-ḳhudā huā hai ḳhudā ne mahbūb use kahā hai
ye shaam se lau lagī hai dil ko ki dekhne us bashar ko chaliye

jis kī āġhosh meñ ham roz milā karte the
ab vahī shaam har ek shaam sadā detī hai

ab bhī mehrāb-e-tamannā meñ kasak maazī kī
shaam hote hī koī sham.a jalā detī hai

shaam Dhale us bazm-e-tarab meñ merā jaanā ḳhuub huā
mujh ko achānak sāmne pā kar vo kitnā mahjūb huā

jalegā ḳhud bhī sahar tak mujhe bhī lau degā
charāġh-e-shām koī baḳht kā sitārā nahīñ

o des se aane vaale batā
kyā shaam ko ab bhī jaate haiñ

o des se aane vaale batā
kyā shaam paḌe galiyoñ meñ vahī

shaam kā pighlā huā surḳh sunahrī roġhan

roz sāhil pe khaḌe ho ke yahī dekhā hai
shaam kā pighlā huā surḳh sunahrī roġhan

avadh kī shaam rafīqoñ ko mah-jabīnoñ ko
har ek chhoḌ ke aa.e the bamba.ī ke liye

shaam ajiib shaam thī jis meñ koī ufaq na thā
phuul bhī kaise phuul the jin ko suḳhan kā haq na thā

sub.h-e-nau phir se jaag jā.egī
shām-e-ġham ko sulā ke dekho tum

zamānoñ ko uḌāneñ barq ko raftār detā thā
magar mujh se kahā Thahre hue shām-o-sahar le jā

maiñ ne us naam se shaam rañgīn kī
maiñ ne us ke havāle se sochā bahut

din Dhalne lagā baḌhne lage shaam ke saa.e
ai sust qadam ab to qadam apne uThā tez

dukh ke taaq pe shaam Dhale
kis ne diyā jalāyā thā