Tags-Shahr

zindagī ko na hai aarzū ko 'vafā' hasrat-āgīñ hai donoñ kā shahr-e-vafā
zindagī aarzū meñ guzar jā.egī aarzū dil meñ ghuT ghuT ke mar jā.egī

kuchh niiñd se bojhal thiiñ tire shahr kī āñkheñ
kuchh merī kahānī meñ bhī vo rabt nahīñ thā

ai kaash zarā der na tum raah badalte
do chaar qadam aur mirā shahr-e-hazīñ thā

mizāj-e-shahr-e-junūñ ab ye barhamī kaisī
kis aag se tire pīr-o-javāñ nahīñ guzre

galī-kūchoñ pe ye kaisā sukūt-e-marg taarī hai
fazā-e-shahr-e-be-saut-o-sadā achchhī nahīñ lagtī

adhūrā hai abhī zauq-e-tamāshā-e-jamāl apnā
koī sūrat sar-e-shahr-e-vafā achchhī nahīñ lagtī

ye ab jo aag banā shahr shahr phailā hai
yahī dhuāñ mire dīvār o dar se niklā thā

vahī ham the ki us shahar-e-sukūñ meñ
rat-jagoñ kī dhuum thī ham se

ham shahr meñ Thahreñ, aisā to jī kā rog nahīñ
aur ban bhī haiñ suune un meñ bhī ham se log nahīñ

ham ahl-e-vafā ranjūr sahī, majbūr nahīñ
aur shahr-e-vafā se dasht-e-junūñ kuchh duur nahīñ

ab husn ke gaḌ.h aur shahr-panāheñ suunī haiñ
vo jo āshnā the un sab kī nigāheñ suunī haiñ

agar ḳhushī meñ tujhe gungunāte lagte haiñ
to log shahr se aañsū bahāne lagte haiñ

maiñ ne har ilzām apne sar liyā is shahr meñ
bā-vafā logoñ meñ ḳhud ko bevafā rahne diyā

'shor' ḳhāmosh nahīñ mere hī zindāñ ke charāġh
shahr-e-ḳhūbāñ bhī charāġhāñ nahīñ hone paatā

is shahr meñ chaltī hai havā aur tarah kī
jurm aur tarah ke haiñ sazā aur tarah kī

dekhte sab haiñ magar band zabāñ rakhte haiñ
is tarah shahr meñ ham amn-o-amāñ rakhte haiñ

jānī-pahchānī sūrat ko ab to āñkheñ tarseñgī
na.e shahr meñ jīvan-devī nayā ruup bhar laa.ī hai

darīda-dil hai koī shahr meñ hamārī tarah
koī durīda-dahan shaiḳh-e-shahar ke mānind

shahr pe jaane kyā biitī hai
har rasta sunsān paḌā hai

is shahr meñ le kar aa.e haiñ ham shabnam-o-gul kī sauġhāteñ
āñkhoñ meñ jahāñ añgāre haiñ hāthoñ meñ jahāñ shamshīreñ haiñ