Tags-Shahr

uThā.e phirte ho kyā shahr-e-be-basīrat meñ
kise dikhāoge dil kī kitāb rahne do

kaise hogā ab ḳhudā.ī bandagī kā faisla
shahr ke saare ḳhudā meñ ek banda rah gayā

tamām shahr ko tārīkiyoñ se shikva hai
magar charāġh kī bai.at se ḳhauf aatā hai

kaun qātil bachā hai shahr meñ 'faiz'
jis se yāroñ ne rasm-o-rāh na kī

ik baar yuuñ hī dekh liyā thā use kahīñ
phir us ke ba.ad shahr meñ dekhā nahīñ gayā

ḳhaak un galiyoñ kī palkoñ se bahut chhānī thī
phir bhī sūrat mirī is shahar meñ an-jānī thī

mere shīshe meñ utar aa.ī hai jo shām-e-firāq
vo kisī shahr-e-nigārāñ kī parī lagtī hai

ajab sanjīdgī thī shahr bhar meñ
ki pāgal bhī koī hañstā nahīñ thā

kitne dar vā haiñ kahīñ aañkh milā.eñ to sahī
is na.e shahr se kuchh rabt baḌhā.eñ to sahī

kisī ḳhushbū ke ta.āqub meñ chalīñ gām-do-gām
dhyān meñ chāñdnī kā shahr basā.eñ to sahī

sail-e-ḳhūñ shahr kī galiyoñ meñ dar aayā hai 'farāz'
aur tū ḳhush hai ki ghar jaane kā mausam aayā

yaqīn jaano ye mere bāloñ meñ gard dekho
maiñ shahr vaalā tumhāre gaañv meñ rah chukā huuñ

mirī virāsat meñ jo bhī kuchh hai vo sab isī dahr ke liye hai
ye rañg ik ḳhvāb ke liye hai ye aag ik shahr ke liye hai

ab kyā karūñ ki shor meñ āvāz dab ga.ī
maiñ us ko shahr-e-jāñ meñ pukārā kiyā bahut

unheñ to karbalā kī tishnagī āvāz detī thī
vo dariyā the unheñ shahr-e-madīna chhoḌ denā thā

kuchh saa.e se har lahza kisī samt ravāñ haiñ
is shahr meñ varna na makīñ haiñ na makāñ haiñ

jaatī haiñ tire ghar ko sabhī shahr kī saḌkeñ
lagtā hai ki sab log tirī samt ravāñ haiñ

hamāre shahr ke har sañg-bār se ye kaho
hamārī shāḳh-e-shajar par samar nahīñ aayā

paglī sī ek laḌkī se shahr ye ḳhafā hai
vo chāhtī hai palkoñ pe āsmān rakhnā

shāyad varaq hai paḌh liyā koī hayāt kā
ban kar faqīh-e-shahr jo samjhā rahā huuñ maiñ