Tags-Shahr

ye shahr-e-be-sadā andar se shahr-e-ārzū niklā
dhuāñ har-dam yahāñ bujhte charāġhoñ kā badaltā hai

'arshad' ham apne shahr se aa to ga.e magar
apnī vahīñ hai dhaak vahīñ se uTheñge ham

jo jashn-vashn hai vo hisār-e-havas meñ hai
ye aarzū kā shahr to vīrān ho chukā

ik shahryār shahr-e-havas ko bhī chāhiye
aur maiñ bhī āshiqī se pareshān ho chukā

shahr ke log achchhe haiñ hamdard haiñ par hamārī suno ham jahāñ-gard haiñ
dāġh-e-dil mat kisī ko dikhānā sajan ye zamāna nahīñ vo zamāna sajan

ye shahr-e-sabz hai lekin bahut udaas hue
ġhamoñ kī dhuup meñ jhulse hue the Dere bhī

hudūd-e-shahr se bāhar bhī bastiyāñ phailīñ
simaT ke rah ga.e yuuñ jañgaloñ ke ghere bhī

log lahje kā suhānā-pan suḳhan kī naġhmagī
shahr kī ābādiyoñ ke shor meñ khote rahe

kyuuñ matā-e-dil ke luT jaane kā koī ġham kare
shahr-e-dillī meñ to aise vāqiye hote rahe

shahr-e-jānāñ meñ nahīñ pūchhne vaalā koī
kaun ho aa.e ho kyoñ tum yahāñ kyā bhuul ga.e

ye maanā zarre zarre par tumhārī mohr azal se hai
magar kyā merī gunjā.ish nahīñ shahr-e-ḳhamoshāñ meñ

ye tire shahr meñ khulā mujh par
muskurānā bhī ek aadat hai

faizān-e-irtiqā se janāza ḳhulūs kā
ḳhair-ul-umam ke dosh pe shahr-e-zaman meñ hai

ġharīb-e-shahr to faaqe se mar gayā 'ārif'
amīr-e-shahr ne hiire se ḳhud-kushī kar lī

mirā man hai shahr-e-gokul kī tarah se sāf-suthrā
mirī saañs aisī jaise koī bāñsurī bajā.e

ba-zāhir to badan-bhar kā ilāqa gher rakkhā hai
magar andar se ham ne shahr saarā gher rakkhā hai

musībat meñ paḌā hai in dinoñ merā dil-e-vahshī
samajh kar shahr vāloñ ne darinda gher rakkhā hai

jis shahr meñ ho ḳhvāb churāne kī vārdāt
kaise karūñ vahāñ pe maiñ tash.hīr ḳhvāb kī

aisī koī ḳhabar to nahīñ sākinān-e-shahr
dariyā mohabbatoñ ke jo bahte the tham ga.e

chashm-e-be-ḳhvāb ko sāmān bahut!
rāt-bhar shahr kī galiyoñ meñ havā