Tags-Shahr

aaj to shahr meñ hai sannāTā
kal ho kyā kuchh kahā nahīñ jaatā

darūn-e-shahr-e-jehl agar jaleñgī haq kī mish.aleñ
to ḳhvāb-ḳhurda sā.ato tumheñ malāl aa.egā

pa.e farār rishvateñ atā hoñ pāsbān ko
fasīl-e-shahr se pare yahī nikāl aa.egā

dimāġh-o-dil se muflisho ye vāhima nikāl do
amīr-e-shahr nekiyāñ kueñ meñ Daal aa.egā

kyā ḳhabar thī ye girāñ-goshī kā baa.is hogī
shahr kā shahr sadā par mirī bahrā hogā

hamāre shahr kī rivāyatoñ meñ ek ye bhī thā
duā se qabl pūchhnā asar meñ kitnī der hai

yaqīnan hādse bhī juzv-e-ḳhās-e-zindagī haiñ
hamārā shahr hī in se magar do-chār kyuuñ hai

maiñ ne bhī parchhā.iyoñ ke shahr kī phir raah lī
aur vo bhī apne ghar kā ho gayā honā hī thā

kal mire shahr meñ ik zulm kuchh aisā bhī huā
raat bhar ġhairat-e-fankār ne sone na diyā

dam-ba-dam baḌh rahī hai ye kaisī sadā shahr vaalo suno
jaise aa.e dabe paañv sail-e-balā shahr vaalo suno

ḳhaak uḌātī na thī is tarah to havā us ko kyā ho gayā
dekho āvāz detā hai ik sāneha shahr vaalo suno

ye jo rātoñ meñ phirtā hai tanhā bahut hai akelā bahut
ho sake to kabhī us kā bhī mājrā shahr vaalo suno

ye hamīñ meñ se hai us ke rañj-o-alam us se pūchho kabhī
haañ suno us kī rūdād-e-mehr-o-vafā shahr vaalo suno

us ke jī meñ hai kyā us se pūchho zarā dekheñ kahtā hai kyā
kis ne us shaḳhs par koh-e-ġham Dhā diyā shahr vaalo suno

umr bhar kā safar jis kā hāsil hai ik lamha-e-muḳhtasar
kis ne kyā kho diyā kis ne kyā pā liyā shahr vaalo suno

us kī be-ḳhvāb āñkhoñ meñ jhāñko kabhī us ko samjho kabhī
us ko bedār rakhtā hai kyā vāqi.a shahr vaalo suno

na zikr gul kā kahīñ hai na māhtāb kā hai
tamām shahr meñ charchā tire shabāb kā hai

khā gayā insāñ ko āshob-e-ma.āsh
aa ga.e haiñ shahr bāzāroñ ke biich

kal pardes meñ yaad aa.egī dhyān meñ rakh
apne shahr kī miTTī bhī sāmān meñ rakh

ham ne khilte dekhnā hai phir ḳhayabān-e-bahār
shahr ke atrāf kī miTTī meñ sonā hai abhī