Tags-Shahr

har ajnabī se shahr meñ DhūñDo ḳhulūs-e-dil
har āshnā-e-shahr se begāngī mile

ġhārat-gar-e-sukūñ thiiñ navā-hā-e-ḳhūn-e-balb
jañgal kī shaam shahr meñ aa.ī to Dar ga.ī

kin zamīnoñ pe utāroge ab imdād kā qahr
kaun sā shahr ujāḌoge basāne ke liye

zamāne ko adam ābād meñ ik roz aanā hai
suno shahr-e-ḳhamoshāñ se yahī āvāz aatī hai

ḳhilqat-e-shahr ne afsāne tarāshe kyā kyā
dil tahī-dast hī lauTā hai chaman se us ke

is tarah shahr salīboñ se sajāyā us ne
koī mahfūz nahīñ dār-o-rasan se us ke

shahr ke makānoñ ke
sard sā.ebānoñ ke

mirī tarah se ujaḌ kar basā.eñ shahr-e-suḳhan
jo naql karnī hai merī to hū-ba-hū kī jaa.e

shahr-e-dil phir mirā vīrān huā jaatā hai
ghar kī barbādī kā sāmān huā jaatā hai

'inshā'-jī uTho ab kuuch karo is shahr meñ jī ko lagānā kyā
vahshī ko sukūñ se kyā matlab jogī kā nagar meñ Thikānā kyā

koī bhī sar nahīñ thā us ke qābil
abas us shahr meñ patthar gayā thā

ratjage jo bāñTtā phirtā hai saare shahr meñ
vo fasīl-e-ḳhvāb meñ barsoñ se zindānī bhī hai

sunā hai raat farishte chhupe the ma.abad meñ
hamāre shahar meñ phir aaj qatl-e-ām huā

lagegī aag to samt-e-safar na dekhegī
makān shahr meñ koī nazar na aa.egā

us ek dasht meñ sau shahr ho ga.e ābād
jahāñ kisī ne kabhī kārvāñ luTāyā thā

māyūsiyoñ ke shahr meñ lagtā nahīñ hai dil
le jaa.eñ apne dil ko kahāñ is jahāñ se ham

tumhāre shahr meñ but the so kaam aa na sake
daraḳht hote to dete havā mohabbat ko

ahd-e-sitam hai dekheñ ham āshufta-saroñ par kyā guzre
shahr meñ us ke band-e-qabā kī rañg-e-hinā kī baat chalī

ai shahr-e-rasan-basta
kyā ye tirī manzil hai

ai mahvashān-e-shahr mirī bandagī karo
maiñ ḳhud sañvar ke aks-e-ruḳh-e-yār ban gayā