Tags-Shahr

o des se aane vaale batā
kyā shahr ke gird ab bhī hai ravāñ

magar ye kyā ki ba-juz-dard kuchh hameñ na milā
ajiib shahr hai ye ek ajnabī ke liye

dil kī ujḌī huī hālat pe na jaa.e koī
shahr ābād hue haiñ isī vīrāne se

yaar ajiib yaar thā jis ke hazār naam the
shahr ajiib shahr thā jis meñ koī tabaq na thā

kaisā tilismī shahr thā jis ke tufail raat bhī
mere lahū meñ gard thī ā.īna-e-shafaq na thā

hañsī mazāq meñ mash.hūr thā ye shahr magar
kisī ne dukh nahīñ bāñTā thā us akelī kā

maiñ ki do roz kā mehmān tire shahr meñ thā
ab chalā huuñ to koī faisla kar bhī na sakā

amānat māñgtī thī ham se sāmān-e-nigah-dārī
tumhīñ ko shahr-e-ḳhāmoshī kā darbāñ kar diyā ham ne

shahr meñ rahte hue tanhā.ī kā ye haal thā
maiñ ghirā rahtā thā jaise be-karāñ sahrāoñ meñ

shahr kī tīra-o-tārīk guzargāhoñ meñ
dāstāñ hogī to manTo kā qalam likkhegā

koī bhī shai hasīñ lagtī nahīñ jab tere sivā
ye batā shahr meñ ham tere sivā kyā dekheñ

shahr se jab bhī ye dil uktā gayā
dasht kī jānib mirā jaanā huā

fasīl-e-shahr-e-tamannā kī tīrgī bhī chhaTe
kabhī to us pe koī sub.h-e-nūr dastak de

kisī se qarz le kar shahar ko phir jā.egā 'hariyā'
adālat ne jo is kā faisla hī kal pe Taalā hai

galiyoñ kī udāsī pūchhtī hai ghar kā sannāTā kahtā hai
is shahr kā har rahne vaalā kyuuñ dūsre shahr meñ rahtā hai

na jaane shahr meñ kis kis se jhuuT bolūñgā
maiñ ghar ke phūloñ ko shādāb dekhne ke liye

manzil-e-shahr-e-tamannā shāyad ab nazdīk hai
kyuuñ nazar aane lage haiñ rāste dushvār se

shahr ke zindāñ ne pahnā diiñ vo zanjīreñ mujhe
merī vahshat ko mayassar dil kā sahrā bhī nahīñ

shahr meñ dasht meñ sahrā meñ jahāñ bhī dekhā
ab hai har samt mirā naam tirī umr darāz

vo roktā hai mujhe shahr meñ nikalne se
bhaḌak uThūñ na kahīñ āñdhiyoñ meñ jalne se