Tags-Shahr

koī ḳhushbū kī jhankār suntā nahīñ
kaun sā gul khilā hai tire shahr meñ

kab dhanak so ga.ī kab sitāre bujhe
koī kab sochtā hai tire shahr meñ

ab chanāroñ pe bhī aag khilne lagī
zaḳhm lau de rahā hai tire shahr meñ

jitne patte the sab hī havā de ga.e
kis pe takiya rahā hai tire shahr meñ

ek dard-e-judā.ī kā ġham kyā kareñ
kis maraz kī davā hai tire shahr meñ

ab kisī shahr kī chaah baaqī nahīñ
dil kuchh aisā dukhā hai tire shahr meñ

duur se shahr-e-fikr suhānā lagtā hai
dāḳhil hote hī harjāna lagtā hai

umr zamāna shahr samundar ghar ākāsh
zehan ko ek jhaTkā rozāna lagtā hai

shahr to ba.ad meñ vīrān huā
merā ghar ḳhaak huā thā pahle

vahshat meñ bhī ruḳh jānib-e-sahrā na kareñge
jab tak ki tumheñ shahr meñ rusvā na kareñge

ye sard raat ye āvārgī ye niiñd kā bojh
ham apne shahr meñ hote to ghar chale jaate

tamām raat jale din ko sard-mehr bane
badan kā shahr bhī shahr-e-anā sā lagtā hai

har ek shaḳhs mirā shahr meñ shanāsā thā
magar jo ġhaur se dekhā to maiñ akelā thā

shahr-e-jānāñ se ab kuuch kar jā.iye
vo nahīñ pārsā bandagī ke liye

ahl-e-ḳhirad tādīb kī ḳhātir pāthar le le aa pahuñche
jab kabhī ham ne shahr-e-ġhazal meñ dil kī baat bayāñ kī hai

ham se jis ke taur hoñ baabā dekhoge do ek hī aur
kahne ko to shahr-e-karachi bastī dil-zadagāñ kī hai

usī shahr kī usī raah par the hamāre ghar bhī qarīb-tar
yūñhī ghūmte rahe umr bhar na to aa.e tum na to aa.e ham

kabhī ittifāq se mil ga.e kisī shahr ke kisī moḌ par
to ye kah uThegī nazar nazar kyuuñ na aa.e tum kyuuñ na aa.e ham

maiñ jāntā huuñ rāsta ġhazloñ ke shahr kā
aayā huuñ chal ke zohra-jamāloñ kī raah se

hamāre shahr meñ aane kī sūrat chāhtī haiñ
havā.eñ bāryābī kī ijāzat chāhtī haiñ