Tags-Shahr

ham saḳhī dirham-o-dīnār liye phirte haiñ
shahr-e-nādār meñ ab koī savālī bhī nahīñ

dīvār o saqf o baam na.e lag rahe haiñ sab
ye shahr chand roz maiñ kitnā badal gayā

'asad' ko tum nahīñ pahchānte ta.ajjub hai
use to shahr kā har shaḳhs jāntā hogā

is shahar-e-kasāfat meñ aa kar ojhal hue ā.ankhoñ se manzar
vo gaañv kā sabza vo bahr-o-bar vo dhuup vo barq-o-bārāñ bhī

ho paa.e kisī ke ham bhī kahāñ yuuñ koī hamārā bhī na huā
kab Thahrī kisī ik par bhī nazar kyā chiiz hai shahr-e-ḳhūbāñ bhī

har ek shaḳhs kisī ḳhauf kī giraft meñ hai
tamām shahr hirāsāñ dikhā.ī detā hai

merā sab le lo mujhe ek mohabbat de do
shahr meñ aisī bhī āvāz lagā kar dekhūñ

sū-e-falak na jānib-e-mahtāb dekhnā
is shahr-e-dil-navāz ke ādāb dekhnā

vo mauj-e-ḳhūñ uThī hai ki dīvār-o-dar kahāñ
ab ke fasīl-e-shahr ko ġharqāb dekhnā

varna ai shaiḳh-e-shahr vājib thī
jām-dārī sharāb-ḳhāne kī

shahr-e-īqān kā har katba gavāhī degā
vaqt kī piiTh pe ummīdoñ ke lashkar dauḌe

usī kā shahr vahī mudda.ī vahī munsif
hameñ yaqīñ thā hamārā qusūr niklegā

havā le aa.ī thī is shahr meñ ai dost varna
abhī pesh-e-nazar naql-e-makānī bhī kahāñ thī

is shahr meñ ik āhū-e-ḳhush-chashm se ham ko
kam kam hī sahī nisbat-e-paimāna rahī hai

har shaḳhs apne aap meñ sahmā huā sā hai
dekho to shahar socho to vīrāniyāñ bahut

zamīñ se uTThe haiñ yā āsmāñ se aa.e haiñ
ye log shahr meñ jaane kahāñ se aa.e haiñ

vahāñ se lauT ke aane kā dil na kartā thā
palaT ke shahr meñ apne jahāñ se aa.e haiñ

mire ḳhuuñ se jalātā hai charāġh-e-shahr-e-ahl-e-zar
mire hī ghar ke āñgan meñ sahar aane nahīñ detā

ai shahr-e-sitam-zād tirī umr baḌī ho
kuchh aur batā naql-e-makānī ke alāva

jab maiñ rotā huuñ khol kar dil kuuñ
shahr meñ barshgāl hotā hai