Tags-Shahr

shahr phir shahr hai yaañ jī to bahal jaatā hai
shahr ko chhoḌ ke sahrā ko na jā maan bhī jā

ġharīb-e-shahr to faaqe se mar gayā 'ārif'
amīr-e-shahr ne hiire se ḳhud-kushī kar lī

shahr ke shahr kā afsāna vo ḳhush-fahm magar saada musāfir
ki jinheñ ishq kī lalkār ke rahzan ne kahā: aao!

shahr ke shahr kā afsāna vahī ārzū-e-ḳhasta ke lañgḌāte hue pair
ki haiñ aaj bhī afsāne kī duzdīda o zhūlīda lakīroñ pe ravāñ

shahr ke shahr kā afsāna vo rūheñ jo sar-e-pul ke sivā
aur kahīñ vasl kī juuyā hī nahīñ

'naved' kar to diyā shahr-e-ā.ina pāmāl
ab andarūnī saf-e-dār-o-gīr khīñchtā huuñ

vo shahryār-e-suḳhan naam jin kā 'sahbā' hai
faqīr ban ke tirī rahguzar meñ rahte haiñ

darūn-e-ḳhāna koī bhī nahīñ kisī kā 'salīm'
pe dekhne meñ to lagtā hai shahr saarā mirā

shahr vāloñ ko bhī hājat hai anājoñ kī magar
ḳhush-libāsī mausam-e-barsāt par la.anat kare

chand logoñ kī mohabbat bhī ġhanīmat hai miyāñ
shahr kā shahr hamārā to nahīñ ho saktā

ai mo.arriḳh mirī ujḌī huī sūrat pe na jā
shahr-e-vīrāñ huuñ magar vaqt kā sarmāya huuñ

ab shahr-e-justujū meñ tire baad kuchh nahīñ
ābādi-e-badan meñ jo dil thā malañg thā

girye ko mire dekh Tuk ik shahr ke bāhar
ik sat.h hai paanī kā jahāñ tak ki nazar jaa.e

chāroñ taraf hai raaj udāsī kā āj-kal
koī to ho jo shahr meñ hañstā dikhā.ī de

guzār shahr-e-vafā meñ samajh ke kar majnūñ
ki is dayār meñ 'mīr' shikasta-pā bhī hai

shahr meñ phirtā huuñ tanhā tanhā
āshnā ek vahī ho jaise

ik turfa tamāshā hai 'nazar' terī tabī.at
shā.ir bhī hai aur shahr meñ badnām nahīñ hai

kaun āshnā hai kis pe nazar jaa.e shahr meñ
āḳhir ġharīb-e-shahr kidhar jaa.e shahr meñ

shīshoñ se haar kar talab-e-sañg meñ koī
simTe to reza reza bikhar jaa.e shahr meñ

itnā bhī tañg arsa-e-jāñ shahr par na kar
roz ik qabīla jaañ se guzar jaa.e shahr meñ