Tags-Shahr

kis ke liye phirtā hai akelā shahr ke hañgāmoñ se duur
kaun hai jis kī ḳhātir us ko tanhā.ī raas aa.ī hai

baḌhā hai shahr meñ rutba zarā hamārā bhī
hue haiñ jaise ham un ke bayān meñ shāmil

terī ḳhabar mil jaatī thī
shahr meñ jab aḳhbār na the

amīr-e-shahr unheñ yaad kar jo saath rahe
tire zavāl se pahle tire zavāl ke ba.ad

sar-e-shām luT chukā huuñ sar-e-ām luT chukā huuñ
ki Dakait ban chuke haiñ ka.ī shahr ke sipāhī

shahr to sābit huā shahr-e-ḳhayāl
aañkh meñ bas ik dhuñdlakā rah gayā

pūchhne kyā lage ruk ke dīvār se
shahr meñ sach to ye hai khaḌā kaun hai

luTere aur qātil har jagah haiñ shahr meñ 'anjum'
nahīñ ma.alūm hāsil un ko kis kī sarparastī hai

shahr-e-tarab ko jaane kis kī nazar lagī hai aaj kī shab
raste bhī vīrān paḌe haiñ ghar lagte haiñ ḳhālī se

ye zulm hai ki mire shahar kā jo qātil hai
hazār jaan se vo dostī ke qābil hai

maiñ apnī zaat meñ huuñ bahr mujh ko kyā parvā
amīr-e-shahr jo dariyā-dilī pe maa.il hai

ik shahr-e-zar-nigār hai aqlīm-e-sharq meñ
us shahr-e-zar-nigār kā maiñ shāhzāda huuñ

dil meñ jarāhatoñ ke chaman lahlhā uThe
'muztar' jab us ke shahr se apnā guzar huā

jismoñ kī qaid toḌ ke nikle to shahr meñ
hone lagā hai ham pe gumāñ devtāoñ kā

tumhāre ba.ad ujāle bhī ho ga.e ruḳhsat
hamāre shahr kā manzar bhī gaañv jaisā hai

patthar ke ḳhudā patthar ke sanam patthar ke hī insāñ paa.e haiñ
tum shahr-e-mohabbat kahte ho ham jaan bachā kar aa.e haiñ

shahr-e-be-mehr meñ miltā kahāñ dildār koī
kaash mil jaatā hameñ majma-e-aġhyār koī

khīñch laatī hai usī kūche meñ phir āvārgī
roz jis kūche se apne shahr ko jaatā huuñ maiñ

vo gaañv kā ik za.iif dahqāñ saḌak ke banñe pe kyuuñ ḳhafā thā
jab un ke bachche jo shahr jākar kabhī na lauTe to log samjhe

ye dil kā shahr mushkil se basā thā
chalo is shahr meñ ab ḳhaak uḌā.eñ