Tags-Shahr

ye zinda shahr hai to kaise 'zāhid'
maiñ mar jaatā huuñ apne ghar meñ jā kar

shahr ke is hujūm meñ jiine kā hausla rakhūñ
apne junūñ kī aag meñ shahr kī shaam Daal duuñ

har shahr meñ taaza hai to bas zaḳhm-e-ta.assub
kuchh lazzat-e-nāhaq kā ta.āvun bhī bahut hai

jab maiñ na huuñ to shahr meñ mujh sā koī to ho
dīvār-e-zindagī meñ darīcha koī to ho

jo qissa thā ḳhud se chhupāyā huā
vo thā shahr bhar ko sunāyā huā

na kasdam haiñ na af.ī haiñ na azhdar
mileñge shahr meñ insān hī kyā

laakh hote huuñ sabab tark-e-sukūnat ke magar
shahr-e-jāñ se kabhī hijrat nahīñ kī jā saktī

yahāñ pe dasht o samundar kī baat mat karnā
hamāre shahr kā har shaḳhs hai makān-zada

dil ke ghaao jab ā.ankhoñ meñ aate haiñ
kitne hī zaḳhmoñ ke shahr basāte haiñ

koī chehra to kahīñ ho tire chehre kī tarah
shahr-e-ḳhūbāñ meñ nahīñ ek bhī manzar apnā

is shahr-e-badan ke bhī ajab hote haiñ manzar
lagtā hai abhī tum ne siyāhat nahīñ kī hai

rāsta dekh na gorī us kā
kab koī shahr meñ jā kar aa.e

shahr-e-ḳhūbāñ kī rivāyāt se shorish kar ke
ġham-e-hijrāñ ke sazā-vār hue haiñ ham log

milā na khet se us ko bhī āb-o-dāna kyā
kisān shahr ko phir ik huā ravāna kyā

dekheñ qarīb se bhī to achchhā dikhā.ī de
ik aadmī to shahr meñ aisā dikhā.ī de

surḳh mausam kī kahānī to purānī ho ga.ī
khul gayā mausam to saare shahr meñ charchā huā

mirī virāsat meñ jo bhī kuchh hai vo sab isī dahr ke liye hai
ye rañg ik ḳhvāb ke liye hai ye aag ik shahr ke liye hai

bas ek insān kī ḳhushī hai kisī haqīqat kī rū-numā.ī
magar kisī ḳhvāb ke ziyāñ kā malāl ik shahr ke liye hai

āñsuoñ kā hisāb kyā rakhnā
shahr-e-jāñ zer-e-āb kyā rakhnā

guzar rahe the mah-o-sāl aur mausam par
hamāre shahar meñ aatī thī ghir ke jab barsāt