Tags-Shahr

shahr-e-dil meñ hai vahī aaj bhī chup kā aalam
dar-o-dīvār sadāoñ se sajā.ūñ kaise

tamām shahar meñ sīna-ba-sīna phail ga.ī
kisī ke bhīge laboñ se vabā-e-tishna-labī

mulk-e-adam hai yā koī nañgoñ kā shahr hai
har roz vaañ se aate haiñ uryāñ na.e na.e

maiñ ret ke dariyā pe khaḌā soch rahā huuñ
is shahr meñ paanī to yazīdoñ ne piyā hai

ka.abe ko jaatā kis liye hindostāñ se maiñ
kis but meñ shahr-e-hind ke shān-e-ḳhudā na thī

har galī kūche meñ lashkar dekho
dosto shahr kā manzar dekho

galī galī meñ takalluf kī dhuul hotī hai
ab apnā shahar bhī lagtā hai ajnabī kī tarah

shahr vīrāñ udaas haiñ galiyāñ
rahguzāroñ se uTh rahā hai dhuāñ

garm kamroñ se nikaltā kaun hai
mahfileñ ujḌī huī haiñ shahr kī

tirī āvāz ko is shahr kī lahreñ tarastī haiñ
ġhalat number milātā huuñ to pahroñ baat hotī hai

kise ābād samjhūñ kis kā shahr-āshob likhūñ maiñ
jahāñ shahroñ kī yaksāñ sūrat-e-hālāt hotī hai

sone ke dil miTTī ke ghar pīchhe chhoḌ aa.e haiñ
vo galiyāñ vo shahr ke manzar pīchhe chhoḌ aa.e haiñ

nayāy kā da.avā karne vaale ye kaisā annyā.e
shahr meñ paanī gaañv meñ paanī chhā.ī hai ban ban dhuup

kis qadar sunsān thī us shahr-e-ulfat kī galī
band the saare darīche jhāñktā koī na thā

mire liye to tirā ilāqa hai shahr-e-mamnūa jaisā lekin
khañDar khañDar zindagī ko maiñ ne galī dikhā dī gulāb vaalī

koī sunahrī kiran roz ham banā lete
ye barf hotā huā shahr kuchh pighal jaatā

jī ḳhush huā hai girte makānoñ ko dekh kar
ye shahr ḳhauf-e-ḳhud se jigar-chāk to huā

faqīh-e-shahr kī tahqīr kyā majāl mirī
magar ye baat ki maiñ DhūñDtā huuñ dil kī kushād

hijr ke chhoTe gaañv se ham ne shahr-e-vasl ko hijrat kī
shahr-e-vasl ne niiñd uḌā kar ḳhvāboñ ko pāmāl kiyā

āḳhir meñ 'ansārī'-sāhab apne rañg meñ Duub ga.e
us ko duā dī us ko chheḌā shahr abiir gulāl kiyā