Tags-Shahr

tū ra.īs-e-shahr-e-sitam-garāñ maiñ gadā-e-kūcha-e-āshiqāñ
tū amiir hai to batā mujhe maiñ ġharīb huuñ to burā hai kyā

fasād-e-shahr tham gayā
fazā meñ bas ga.ī hai ek zahr-nāk ḳhāmushī

na koī saaz na sañgīt na pāzeb na giit
uf ye māhaul ki hai shahr-e-ḳhamoshāñ kī tarah

kisī ko shahr meñ ab ham se laag hai na lagāo
koī to ham se bhī nazreñ bachāne vaalā ho

hamāre shahar meñ kyā kyā saje sajā.e haiñ ghar
hamāre ghar ko bhī koī sajāne vaalā ho

shahr bhūke khā ga.e haiñ jaane kitnī bastiyāñ
shahr kā muñh chīrtī bastī ko bāġhī kahte haiñ

tīrgī shahr-e-ġhazālāñ se nikaltī hī nahīñ
laakh vo sūrat-e-mahtāb liye phirte haiñ

aur bhī ik hisār hai 'az.har'
shahr-e-zindāñ ke is hisār ke saath

pī chukī sab aam kī ḳhushbū ko bū petrol kī
shahr se aa.ī liye kaisī ye ḳhush-hālī saḌak

dil dard kī shiddat se ḳhūñ-gashta o sī-pāra
is shahr meñ phirtā hai ik vahshī-o-āvāra

āḳhirī ma.arka ab shahr-e-dhuāñ-dhār meñ hai
mere sirhāne kā patthar isī dīvār meñ hai

ye bhī mumkin hai ki lahja hī salāmat na rahe
majlis-e-shahar bhī ab shahar ke bāzār meñ hai

ek āshiq kal salāmat shahr meñ dekhā gayā
ye ḳhabar to surḳhi-e-aḳhbār honī chāhiye

chhupātā kyā hai muñh kab tak chhupegā
tujhe sab shahr-e-qātil jāntā hai

dahshat ke farishte haiñ fasīloñ pe havā kī
aur chāroñ taraf shahr ke sailāb hai raushan

ham ko to do-gaz zamīñ darkār hai
shahr ho bastī ho yā vīrāna ho

tazkire kartā hai jalte hue sahrāoñ ke
dasht ko dekhtā hai shahr kī dīvār se tū

shahr-ba-shahr kar safar zād-e-safar liye baġhair
koī asar kiye baġhair koī asar liye baġhair

koh-o-kamar meñ ham-safīr kuchh nahīñ ab ba-juz havā
dekhiyo palaTiyo na aaj shahr se par liye baġhair

us kā suḳhan bhī jā se hai aur vo ye ki 'jaun' tum
shohra-e-shahar ho to kyā shahr meñ ghar liye baġhair